Делта варијантата на коронавирусот мутираше и стана уште позаразна. Во исто време, најчестите симптоми на коронавирус се менуваат и еден нов симптом стана најчесто пријавуван.
Во првиот бран на пандемијата – кашлица, отежнато дишење и губење на вкусот и мирисот беа главните симптоми на инфекција со Ковид-19. Работите малку се променија со делта варијантата. „Поретки се кашлицата и губењето на вкусот и мирисот, а почести се главоболките, болките во грлото, течењето на носот и грозницата“, објаснува д-р Инџи Јилдирим, специјалист за инфективни болести на Yale Medicine.
Истражувањата спроведени во Велика Британија покажаа дека главоболката е симптом број 1 пријавен од луѓето инфицирани со делта сој на коронавирус.
Кои се другите симптоми на делта варијантата на коронавирус?
Сè почесто се пријавуваат симптоми на настинка, како што се течење на носот и кивање, кои претходно не се сметаа за симптоми на Ковид-19. Растечен нос е вториот најчесто пријавуван симптом кај целосно вакцинирани и делумно вакцинирани лица во студијата и трет најчесто пријавуван симптом кај невакцинираните.
Кивањето е трет најчесто пријавен симптом на Ковид-19 кај целосно вакцинирани и четврт најчесто пријавуван симптом кај делумно вакцинирани лица.
„Ако сте вакцинирани и почнете многу да кивате без никакво објаснување, треба да се тестирате, особено ако живеете во близина на луѓе кои се изложени на висок ризик за болеста“, велат истражувачите. (Eat this)
