Потребно:
- 1/2 свежо пиле
- 1 кромид
- 5-6 моркови
- 3 гранчиња целер + 2 круга од коренестиот дел
- 1 пашканат
- 1 тиквица
- 1/2 китка магоднос
- Зачини
- Фиде
Подготовка: Пилето ставете го во тенџере да се вари. Кога водата ќе проврие, оставете уште пет минути и потоа истурете ја водата. Ставете нова и вратете го тенџерето на оган. Додадете ги гранчињата целер и половина од магдоносот. Кромидот излупете го и од сите страни малку потпечете го на рингла и потоа ставете го кај месото. На тивок оган оставете се заедно да врие половина час. Потоа, додадете го исечканиот морков (јас дел ги сечкам на кругови, дел ги рендам) и на коцки исечканиот пашканат и коренестиот целер. Тиквицата излупете ја и на крупно исечена додадете ја во тенџерето. Зачинете по желба. Оставете да се вари уште половина час. Потоа извадете го пилето, оставете малку да се олади и исчистете го месото од коските. Кромидот, гранчињата целер, магдоносот и тиквицата ставете ги во блендер со малку вода од супата и убаво измиксирајте ги и вратете ја смесата во супата. Додадете го и исечканото пилешко. Додадете фиде и оставете се заедно да се вари уште пет минути. Понекогаш наместо фиде, може да направите и кнедли од гриз. Супата може да ја послужите со препечен леб. На здравје!
