РЕЦЕПТ НА ДЕНОТ: Кашичка од цвекло и компир +8м.

Многу педијатри препорачуваат воведување на цвеклото помеѓу 8. и 10. месец. Цвеклото е богато со калциум и витамини, кои се важни за здравјето на бебето. Цвеклото има голема нутритивна вредност со многу малку влакна.

Потребно:

  • 1 свежо цвекло
  • 2 компира (средна големина)

Подготовка: Измијте го цвеклото и ставете го во вода да се свари. Цвеклото варете го со кора, околу еден час (боцнете малку со вилушка и ако може да помине, цвеклото е сварено). Извадете го од вода да се олади и отстранете ја кората. Во посебен сад ставете го компирот да се свари. Сварениот зеленчук заедно изблендирајте го, или пак може да го згмечите со вилушка, во зависност од тоа каков тип храна јаде бебето. Ако е големо цвеклото, исечете го на парчиња, и сварено замрзнете го.