Потребно:
- 1 голема главица карфиол
- 3 супени лажици маслиново масло
- Малку сол
- 1 главица кромид
- 2 чешниња лук
- 1 литар бујон од зеленчук
- 2 лажици путер
- 1 лажица сок од лимон
- Прстофат мелено морско оревче
Подготовка: Карфиолот најпрво исечете го на помали парчиња, па распоредете го во тавче и прелијте го со две лажици маслиново масло. Зачинете со сол и печете 25 до 35 минути на 220 степени, додека карфиолот не омекне. Кога карфиолот е речиси готов, загрејте една лажица маслиново масло во тенџере за супа, а потоа додадете го исечканиот кромид и малку сол. Пржете додека кромидот не стане мек и проѕирен, 5 до 7 минути. Додадете го исечканиот лук и динствувате со постојано мешање додека не замириса, околу 30 секунди, а потоа додадете ги бујонот. Карфиолот додадете го во тенџерето и зголемете ја топлината. Кога ќе зоврие, намалете ја топлината и варете 20 минути со повремено мешање. Тргнете го тенџерето од оган и оставете да се излади неколку минути. Потоа сипете ја супата во блендер и измешајте, доколку е потребно неколку пати. Додадете го путерот и измиксирајте, а потоа додадете го сокот од лимон и морското оревче и повторно измешајте. Додадете повеќе сол по вкус. Добар апетит!
