РЕЦЕПТ НА ДЕНОТ: Паштета со пилешко

Сите се согласуваат дека купечките паштети не се за децата – содржат конзерванси и адитиви, а месото во нив секогаш е непознат квалитет. Меѓутоа, тоа не значи дека вашето дете или дури и бебе не може да јаде здрав и вкусен намаз за појадок или за вечера. Ова е еден здрав рецепт за паштета кој сами многу брзо и лесно може да го подготвите дома.

Потребно:

  • Парче бело пилешко месо
  • Еден морков
  • Половина китка магдонос или една четвртина целер
  • Неколку лажици павлака или маслиново масло

Подготовка: Исечкајте го пилешкото месо на парчиња и ставете го да се вари. По пет до 10 минути додадете го исечканиот морков, магдоносот или целерот. Кога ќе биде сварено, исфрлете ја водата. Сите останатите состојки кои се вареле, заедно со павлаката или маслиновото масло измиксирајте ги.

ДОБРО Е ДА ЗНАЕТЕ: Оваа паштета ја сакаат и бебиња кои штотуку почнале да консумираат месо. На постарите деца може да им додадете и лук, како и ловоров лист во садот во кој сте го вареле месото, а потоа малку посолете. Исто така, за подготовка можете да користите и некој друг дел од пиле.

ПОВРЗАНИ НАПИСИПОВЕЌЕ ОД АВТОРОТ