Потребно:
За тестото:
- 2 чаши брашно
- 1 прашок за печиво
- 2 чаши гриз
- 1 чаша шеќер
- Ванилин шеќер
За полнење:
- 1,2 кг крупно рендани јаболка
- 1 чаша шеќер
- 1 ванилин шеќер
- 1 лажица цимет
За одозгора:
- 150 гр (или малку повеќе) путер или маргарин
Подготовка: Исчистените и измиени јаболка изрендајте ги крупно и измешајте ги со шеќерот и циметот. Оставете ги да отстојат додека ги подготвувате другите состојки за да го испуштат сокот. Сувите состојки убаво измешајте ги во сад и поделете ги на три еднакви дела. Калапот (25×35 цм) подмачкајте го со маргарин или путер и посипете со презла (може да се користи и брашно). Можете да користите хартија за печење, но задолжително премачкајте ја и со путер. Во калапот прво истурете 1/3 од сувите состојки, а потоа убаво распоредете половина од ренданите јаболка. Земете ги јаболките заедно со нивниот сок затоа што ќе го направат колачот сочен. Лесно притиснете сè со рацете. Повторно ставете 1/3 од сувата смеса врз јаболката, премачкајте ги останатите јаболка и посипете го колачот со остатокот од сувата смеса. Пред печење, крупно изрендајте или исечете ги на ленти маргарин или путер врз колачот. Печете го колачот 35-40 минути на температура од 180 °C. Оладете ја тортата на собна температура пред да ја послужите. Добар апетит!
