Потребно:
- 1 тиквичка
- 2 домати
- 4 јајца
- Магдонос
- 2 чешниња лук
- 3 лажици грчки јогурт или павлака
- 6 лажици брашно
- Маслиново масло
- 200 гр кравјо сирење
- 1 лажичка италијански зачин
- 1 лажичка слатка црвена пиперка
- Пармезан
Подготовка: Тиквичката изрендајте ја и посолете ја, па оставете да отстои 10 минути. Добро процедете, па додадете 1 ситно сечкан домат и јајцата. Добро изматете. Потоа додадете сечкан магдонос, мелен лук и црн пипер, па повторно измешајте. Додадете јогурт или павлака и брашно и соединете сè. Смесата сипете ја во тава подмачкана со масло или поголемо тавче, па пропржете на рингла, на ниска температура.По неколку минути наредете ги доматите исечени на кришки (1 парче), како и сечканото сирење. Наросете со италијански зачин и црвен пипер, како и пармезан. Покријте и гответе уште 20 минути. Добар апетит!
