РЕЦЕПТ НА ДЕНОТ: Похувани “плескавици“ од рерна

За многумина, готвењето и не е толку тешка обврска, како што е идејата што да се јаде. Затоа ви нудиме предлог за вкусно јадење со месо и ориз што се подготвува во рерна.

Потребно:

За оризот:

  • 1 шолја (200мл) ориз
  • 3 шолји (200мл) вода
  • 1 лажичка сол
  • За месото:
  • 1 кг мелено месо
  • 1 кромид
  • 2 лажички лук во прав
  • 1 лажичка сол
  • 3 лажички магдонос
  • 1 јајце

За похување:

  • 1 шолја брашно
  • 4 белки
  • 2 лажици вода
  • 2 шолји презла
  • 6 лажички масло

Подготовка: Сварете го оризот и оставете да се олади. Во сад ставете ги сите наведени состојки за месото и оладениот ориз и се убаво помешајте да се соедини. Од подготвената смеса направете топчиња со големина на помало јаболко. Од секое формирајте плескавица во овална форма. Подготвените плескавици прво извалкајте ги во брашно, потоа во изматените белки измешани со вода, и на крајот во презла. Редете ги плескавиците во тавче премачкано со масло. Премачкајте ги и одозгора со остатокот од маслото. Печете ги во рерна, но користете само горен греач, околу 15 минути од двете страни. На овој начин месото ќе биде како пржено во масло, со многу помалку маснотии. Послужете со салата по избор. Добар апетит!