Потребно:
- 1 кромид
- 1 морков
- Половина црвена, жолта и зелена пиперка
- 1 домат
- 100 гр печурки
- 200 гр свинско месо исечкано на коцки
- 300 гр ориз
- 1 л бујон (или вода)
- 2 лажици маст (или масло)
- 3 лажици крем за готвење
- 1 лажица пармезан сирење
- Сол
- Црн пипер
- Лук
- Сув зачин
- Оригано
- 1 лажица путер
Подготовка: Кромидот се динста на маста додека не порумени, се додаваат морковите, па пиперките и доматите исечкани на коцки. Исеченото месо посолете го и побиберете го и динстајте го со зеленчукот. Полека залевајте со бујонот или вода. Кога месото ќе омекне, додадете ги исечканите печурки. Додадете оризот, па повторно додадете бујон или вода. Кога оризот ќе ја впие целата течност, додадете го кремот за готвење и пармезанот. На крајот измешајте го путерот и оставете го да отстои неколку минути. Послужете со салата. Добар апетит!
