Потребно:
- 1 поголем кромид
- 1-2 зелени пиперки
- 1 црвена пиперка
- 2 чешниња лук
- 6 домати со средна големина
- ½ шолја доматно пире
- 6 јајца
- Сол
- Црн бибер
- Чили
- Црвен пипер во прав
- Ким
- Свеж магдонос
- Маслиново масло
Подготовка: Кромидот, пиперките и лукот исечкајте ги и малку динствувајте ги на маслиново масло во поголемо тавче. Зачинете ги со сол, црвен пипер, ким и црн бибер. Заеленчукот динствувајте го околу пет минути, додека не омекне, а потоа додадете ги доматите исечкани на коцки и доматното пире. Оставете доамтите да се проварат, потоа поклопете го тавчето и оставете да се вари околу 15 минути. Потоа тргнете го капакот и оставете да се готви уште неколку минути додека сосот не се згусне. Кога е згуснат сосот, со задната страна на вилушката направете дупки во јадењето во кои ќе ставите искршените јајцата. Покријте го тавчето и оставете јајцата да се динствуваат во сосот на средна температура, додека јајцата убаво не се испечат, односно додека белките целосно не обелат. Жолчките треба да бидат меки и течни. Пред консумирање врз јадењето ставете сечкан свеж магдонос. Добар апетит!
