РЕЦЕПТ НА ДЕНОТ: Супа со месни топчиња

Оваа супа е идеално решение за ручек на бебиња кај кои јајцето е воведено во дневното мени. Супата која е основа на рецептот, може да ја подготвите и претходно, така што пилешко или телешко месо, по можност со коска, ќе го варите околу два часа. Кога ќе се свари убаво месото, отстранете го и користете ја само течноста. Добиената течност може да ја замрзнете и да ја користите при секојдневна подготовка на бебешкиот ручек.

 Потребно:

  • 300 мл месна супа (не е важно дали е пилешка или телешка)
  • 100гр немасно мелено јунешко месо
  • Мала лажичка интегрално брашно
  • Едем морков (средна големина)
  • Еден компир
  • Едно јајце
  • Малку магдонос

Подготовка: Меленото месо измешјате го со јајцето и брашното и убаво соединете. Од подготвената маса направете топчиња (рацете малку намокрете ги за полесно да се обликуваат топчињата). Едно по едно топчињата спуштајте ги да се варат во супата која веќе претходно почнала да врие. Кога ќе процените дека месните топчиња се на половина готови, додадете го морковот и компирот ситно исчекани. Варете додека зеленчукот не омекне. Ако вашето дете повеќе сака кашеста храна, изгмечете го зеленчукот. На крај наросете со ситно исечкан магдонос.