РЕЦЕПТ НА ДЕНОТ: Тестенини со печурки и коприва

Шампињоните се одличен извор на витамин Д, а копривата на витамин Ц и железо.

Потребно:

  • 100гр тестенини
  • Половина кромид
  • 250гр шампињони
  • 100гр листови коприва или спанаќ
  • 40гр варена шунка
  • 1 лажица маслиново масло
  • Мускатно оревче
  • 2 лажици павлака
  • Зачини по желба

Подготовка: Тестенината сварете ја според упатство. Кромидот исечкајте го. Шампињпните исчистете ги и исечете ги на листови. Ако користите коприва, земете ракавици, убаво измијте ја и грубо исечете ја. Загрејте во тавче масло, па динствувајте го кромидот 2-4 минути. Додадете ги печурките и пржете се заедно 5-7 минути. Потоа додадете ја копривата и се заедно, динствувајте 3 минути. Зачинете по желба и додадете мускатно оревче. Шунката исечете ја на коцки и заедно со павлаката измешајте ги во сварените тестенини. Сосот со печурките ставете ги врз тоа.