Потребно:
За 3 лица:
- 250гр тестенини
- 450гр свежи шампињони
- 1 поголема тиквичка
- 3 чешниња лук
- 100мл пасиран домат
- Малку маслиново масло
- Сол
- Црн бибер
- Зачини по желба
Подготовка: Во солена вода сварете ги тестенините. Исцедете ги и оставете ги на страна. Оставете 100мл од водата во која се вареле тестенините. Во длабока тава загрејте маслиново масло, па додадете ги исечканите печурки и динствувајте неколку минути. Додадете ја тиквицата исечена на коцки и изгмечениот лук. По 10 минути додадете го пасираниот домат и зачинете по вкус. Промешајте и намалете ја температурата. Додадете ги сварените тестенини и водата во која се вареле. Се убаво измешајте. Тргнете го јадењето од шпорет и оставете неколку минути, тестенините да ги впијат сите вкусови. Сервирајте топло, а по желба може да наросите изрендан пармезан. Добар апетит!
