РЕЦЕПТ НА ДЕНОТ: Зеленчуково пире +8м.

Комбинацијата на карфиол и брокула е идеална за бебе кое има наполнето осум месеци. Овој зеленчук е богат со фолна киселина, калциум, витамини А и Ц, а содржи и висок процент на влакна. 

Потребно:

  • 1/2 шолја цвет од карфиол
  • 1/2 шолја цвет од брокула
  • 1 морков
  • 2 лажички павлака
  • Малку маслиново масло

Подготовка: Морковот излупете го и исечкајте го на тркалца, па ставете го да се вари со малку вода. Кога водата ќе зоврие, ставете ја брокулата и карфиолот. Се заедно варете околу 15 минути, во затворен сад. Кога сите намирници ќе омекнат, испасирајте со павлаката и додадете неколку капки маслиново масло, по желба.