Во земјава секое новороденче не се подложува на тестирање на слухот, додека бебето и мајката се уште во болница. Универзален неонатален скрининг на слухот, требаше, но се уште не е воведен. Се прави селективен, само на бебиња кои се родени со висок ризик за редукција на слухот.
Токму затоа, родителите се првиот филтер, односно оние кои треба да ја следат реакцијата на детето на звучни надразби и веднаш да реагираат ако однесувањето отстапува од вообичаеното.
Еве како детето треба да реагира на акустична надразба.
ПО РАЃАЊЕТО
- Вашето дете е преплашено по изненаден гласен звук.
СО 3 ДО 5 НЕДЕЛИ
- Детето реагира на ваше обраќање
- Прислушува/слуша кога вие од оддлаеченост од 20цм од увото, му шушкате со хартија или пукате со прстите
- Кога е смирено, внимателно слуша гласови и шумови
- Со очите бара од каде доаѓаат познати звуци
- Повремено и само испушта звуци
СО 2 ДО 3 МЕСЕЦИ
- Иако не може да ве види, вашиот глас го смирува
- Ја мрда главата во насоки на извор на зву и шум
- Се обидува на свој јазик да комуницира и се смее да се слушне
СО 5 ДО 6 МЕСЕЦИ
- Детето со својот може себе си да си привлече внимание, огласувајќи се неразбирливо, но и со се повеќе разбирливи гласови
- Реагира на далечни звуци, како што е ѕвоно на вратата или ѕвоенње на телефон
- На непознати звуци реагира вознемирено
СО 1 ГОДИНА
- Детето реагира на шепот на оддалеченост од еден метар
- Го бара изворот на звук, кога на пример, ќе слушне музика
- Ја разбира забраната како “НЕ-НЕ“
СО 2 ГОДИНИ
- Детето со шепот се прашува да го покаже на пример носот, очите или нозете
- Го слуша зуењето на инсекти
- Препознава познати звуци, како што е авион, автомобил или гласовите на животни
СО 4 ГОДИНИ
- Детето со голема сигурност ги препознава познатите шумови и ги разбира упатствата, иако при тоа, не ја гледа устата на соговорникот
- Разбира нормално изговорени зборови, слуша без напор и без попуштање на концентрацијата.
Секогаш кога доцни развојот на говор кај детето, логопедите велат дека е потребно да се провери слухот. Тоа значи да се направи комплетна проценка на слухот, која опфаќа надворешен преглед на увото, тимпанометрија и една од објективните методи за проверка на слухот – ОАЕ.
Ако наведените наоди за слухот се уредни, а говорот доцни, значи дека е потребно да се учи мозокот како да го обработува звукот, односно неопходна е интензивна симулација.
