Список на сите досега познати симптоми на коронавирус (класични и необични): Кога треба итно да се јавите на лекар

Кај повеќето пациенти, коронавирусот започнува како респираторна инфекција, поради што луѓето на почетокот може да имаат симптоми слични на грип или алергија. Температурата која се јавува кај пациенти со Ковид-19 е генерално помеѓу 37,5 и 39°C и обично е придружена со сува кашлица

Некои симптоми се знак дека ви треба итна медицинска помош. Овие симптоми вклучуваат недостаток на воздух, сини усни и лице, болки во градите, стегање околу срцето, ниска сатурација на кислород во крвта и хронична треска која трае помеѓу пет и десет дена

Повеќе од една година по појавата на Ковид-19, сè уште откриваме нови работи за оваа болест. Новите мутации предизвикуваат дополнителна загриженост, а списокот со симптоми сега е многу подолг отколку на почетокот на пандемијата.

Покрај тоа, коронавирусот не се манифестира исто кај секоја личност. Некои заболени имаат тешки симптоми, некои лесни, а други се асимптоматски носители, односно не покажуваат никакви симптоми на болеста.

Класични симптоми на коронавирус

Според медицинските податоци, најчести симптоми кои се сметаат за класични знаци на болеста се треска, кашлица и болки во грлото.

Покрај тоа, еден од најкарактеристичните симптоми на Ковид-19 е губење на мирисот и вкусот, што се појавува кај околу 60% од пациентите.

Кај повеќето пациенти, коронавирусот започнува како респираторна инфекција, поради што луѓето на почетокот може да имаат симптоми слични на грип или алергија. Температурата која се јавува кај пациенти со Ковид-19 е генерално помеѓу 37,5 и 39°C и обично е придружена со сува кашлица. Кај заболените со Ковид-19, треската може да потрае со денови, како и воспалението на грлото.

Ако имате кој било од овие симптоми во период од три или повеќе денови или мислите дека сте биле изложени на вирусот, би било добро да направите тест за коронавирус.

Необични симптоми на коронавирус

Покрај овие класични симптоми, луѓето кои ќе се инфицираат со коронавирус, исто така може да имаат и некои необични симптоми како што е воспаление низ целото тело. Кога вирусот ќе ги нападне мускулните влакна, може да се појават болки во мускулите и телото, воспаление на зглобовите, главоболки, а сето тоа може да ги мачи заболените долго време.

Покрај тоа, луѓето со Ковид-19 може да искусат и губење на апетитот, отежнато дишење, гадење, повраќање, мозочна магла и конфузија, хроничен замор и истоштеност.

Понатаму, некои пациенти исто така пријавиле и осип, промени на прстите на нозете, конјунктивитис, опаѓање на косата и зуење во ушите како симптоми на коронавирус. Покрај тоа, кај некои пациенти се развиваат тромби, што подоцна може да предизвика дополнителни проблеми.

Кога треба да се јавите на лекар?

Кај луѓе кои имаат благи симптоми, закрепнувањето од коронавирус обично трае помеѓу 10 и 14 дена. Но, на пациентите со потешка клиничка слика им е потребна медицинска помош.

Треба да се напомене дека некои симптоми се знак дека ви треба итна медицинска помош, пишува „Е-Тајмс“. Овие симптоми вклучуваат недостаток на воздух, сини усни и лице, болки во градите, стегање околу срцето, ниска сатурација на кислород во крвта и хронична треска која трае помеѓу пет и 10 дена.