Доењето е важен дел од мајчинството што носи бројни здравствени придобивки. Сепак, со сите промени што се случуваат во првите денови и месеци од мајчинството, како и со многу други животни ситуации, не е невообичаено нивото на стрес да се зголеми. Доeњето и стресот не се добра комбинација, бидејќи хормоните на стресот, како кортизолот, можат да ја намалат продукцијата на млеко и да го отежнат процесот на лактација, и општо негативно да влијаат на самиот процес на доење.
КАКО СТРЕСОТ ВЛИЈАЕ НА ДОЕЊЕТО?
Стресот, особено ако е интензивен, значително влијае на доењето преку неколку фактори:
Намалена количина на млеко: Кога мајката е под стрес, телото лачи помалку хормони одговорни за рефлексот на ослободување на млекото, што значи дека бебето не добива доволно млеко.
Намален квалитет на млекото: Иако нутритивниот состав на мајчиното млеко во повеќето случаи останува стабилен, стресот може да влијае врз содржината на масти и имунолошките компоненти во млекото.
Потешко воспоставување рутина на доење: Стресот кај мајката предизвикува напнатост, незадоволство и го намалува трпението, што може да доведе до фрустрации при доењето, особено ако бебето нема правилен фат или е вознемирено.
Важно е мајката секој ден да одвои време за себе и да се грижи за сопственото здравје. Ова може да се постигне со мали промени секој ден. Ќе помогне и внесувањето на здрава храна, доволно течности, како и доволна количина на сон. Понекогаш, и 15-минутен одмор во текот на денот може да направи разлика во расположението
КАКО ДА СЕ НАМАЛИ СТРЕСОТ ЗА ВРЕМЕ НА ДОЕЊЕТО
Иако не е секогаш можно целосно да се избегне стресот, постојат неколку начини за негово намалување:
- Создавање мирна околина
Изборот на тивко и удобно место за доење ѝ помага на мајката да се опушти, што доведува до подобар проток на млеко и посмирено новороденче. Мирна атмосфера може да се постигне со намалување на бучавата, намалување на светлото и пронаоѓање удобна положба.
- Техники за опуштање
Вежбите за длабоко дишење, медитацијата и лесното истегнување можат да го намалат нивото на стрес и да ѝ помогнат на мајката да се чувствува посмирено. Дури и неколку минути свесно дишење или истегнување ќе направат голема разлика.
- Дополнително поврзување со бебето
Контактот кожа на кожа научно е докажан како метод што ослободува позитивни и смирувачки хормони. Така и самото држењето на бебето во прегратка и зборувањето со него може да има смирувачки ефект.
Дури и кратки прошетки со бебето на свеж воздух можат да помогнат во намалување на стресот и подобрување на расположението
- Грижа за себе
Важно е мајката секој ден да одвои време за себе и да се грижи за сопственото здравје. Ова може да се постигне со мали промени секој ден. Ќе помогне и внесувањето на здрава храна, доволно течности, како и доволна количина на сон. Понекогаш, и 15-минутен одмор во текот на денот може да направи разлика во расположението.
- Поддршка од партнерот и блиските
Емоционалната и практичната поддршка од партнерот, семејството и пријателите значително го намалува стресот кај мајката. Помошта околу домашните обврски, подготовката на оброци или едноставно слушање и охрабрување можат многу да значат.
- Контактирање со стручни лица
Доколку стресот е интензивен или проблемите со доењето се зголемуваат, консултација со педијатар, консултант за лактација или психолог може да биде од голема корист.
- Избегнување на премногу информации
Мајките често се соочуваат со спротивставени совети од интернет, книги или околината. Фокусирањето на проверени извори и советување со стручни лица може да ја намали анксиозноста.
- Физичка активност и свеж воздух
Дури и кратки прошетки со бебето на свеж воздух можат да помогнат во намалување на стресот и подобрување на расположението.
