Три најчести заблуди на родителите во врска со настинка кај бебето

Родителите често, поради страв бебето да не настине, прават работи кои всушност може да допринесат за негово разболување.

Ви ги откриваме трите најголеми заблуди во врска со настинката кај децата:

“Бебето треба што повеќе да се затопли за да не настине“

Прекумерното затоплување нема да спречи настинка, туку ќе постигне контраефект кога бебето ќе се испоти, а ако надвот е топло, може да добие топлотен удар.

“Бебето во зима не треба да се изнесува од дома“

Престојот во затворен простор претставува поголем ризик од инфекции, оти концентрацијата на микроорганизми во воздухот е поголема отколку надвор. Ако бебето адекватно се облече, по возраст од шест недели може да се изнесе во на прошетка и кога температурата е под нула степени, под услов да не дува ветар.

“Ако детето добие температура, треба да му се даде антибиотик“

Борбата против болести не треба да се поистоветува со борба против против зголемена температура. Благо до умерени зголемена температура му помага на болниот да оздраве. При висока температура лекарот ќе ве упати кој лек треба да му го дадете на бебето, а не да давате на своја рака.