Чести расправии
Лутината и расправиите го подигаат нивото на стрес во телото на бремената жена, што може да има штетно влијание на имунитетот на бебето и неговиот мозок. Освен тоа, викањето и нервозата може да и наштетат и на мајката, да предизвикаат главоболка, мачнини и несоница. Помогнете си себе си, така што ќе одморате, медитирате, доволно ќе спиете и повеќе ќе престојувате на свеж воздух.
Шеќер
Трудниците кои консумираат шеќер во големи количини ризикуваат нивното детет еден ден да има проблеми со учењето, помнењето и усвојувањето на нови вештини, покажала една студија. Желбата за благо надминете ја со урми и овошје и исфрлете ги газираните напивки од исхраната.
Промени во расположението
Промените на расположението во текот на бременоста се нормална појава. Во еден момент се чувствувате среќно, а во друг анксиозно и се грижите каква мајка ќе бидете. Промените на расположението во бременоста, може да бидат предизвикани и од хормоните. Обидете се да ги препознаете и да ги предвидите, за да ги држите под контрола, оти освен што влијаат на вас, влијаат и на бебето. Депресијата и анксиозноста може да предизвикаат предвремено породување и мала родилна тежина кај новороденчето.
Недоволна физичка активност
Вишокот килограми наталожени за време на бременоста може да доведат до компликации на породувањето, да го отежнат нивното намалува по бременоста, но и да влијаат на развојот на бебето додека е во стомакот. Телесната активност за време на бременоста е задолжителна, доколку лекарот не ве советува поинаку. Секако, за активност се сметаат и получасовна прошетка или лесни вежби.
