Во новата епизода на подкастот „Ваш педијатар“ се фокусираме на една од најважните теми за родителите во ова време од годината – како да ги подготвите вашите деца за тргнување во градинка и училиште, не само со училишни материјали, туку и со здрав и зајакнат имунолошки систем. На почетокот на есента, кога се зголемуваат ризиците од инфекции и болести, многу е важно да се посвети внимание на поддршката на имунитетот на најмладите.
Во подкастот со проф. д-р Јаќовска зборуваме и за улогата на имуномодулаторите и пробиотиците во зајакнувањето на имунитетот, со посебен акцент на тоа кои деца имаат најмногу потреба од нив и што родителите можат да очекуваат од нивната примена. Потсетуваме зошто е битно да се избираат пробиотици кои содржат специфични видови на бактерии, како што е Lactobacillus reuteri Protectis (L. reuteri DSM 17938), кој е еден од најпроучуваните соеви и предмет на бројни клинички студии
Нашата гостинка, проф. д-р Татјана Јаќовска, специјалист педијатар и претседател на Педијатриското респираторно здружение (ПЕДИАРЕС), споделува исклучително корисни совети и информации за тоа како родителите можат да им помогнат на своите деца да изградат посилен имунолошки систем и да се подготват за предизвиците кои ги носи овој период. Проф. д-р Јаќовска објаснува како функционира детскиот имунолошки систем, кои се најчестите болести што се јавуваат во детските колективи, и кои се најефикасните природни методи и превентивни мерки за зајакнување на имунитетот на децата.
Исто така, зборуваме и за улогата на имуномодулаторите и пробиотиците во зајакнувањето на имунитетот, со посебен акцент на тоа кои деца имаат најмногу потреба од нив и што родителите можат да очекуваат од нивната примена. Потсетуваме зошто е битно да се избираат пробиотици кои содржат специфични видови на бактерии, како што е Lactobacillus reuteri Protectis (L. reuteri DSM 17938), кој е еден од најпроучуваните соеви и предмет на бројни клинички студии кои докажуваат дека е ефикасен во третманот и превенцијата на различни состојби кај децата.
Подкастот изобилува со практични совети кои ќе бидат од голема корист за сите родители кои сакаат да ги подготват своите деца за безгрижно и здраво започнување на новата учебна година.
Подкастот Ваш педијатар со проф. д-р Татјана Јаќовска можете да го погледнете тука или на Јутјуб каналот на Pedijatar.mk.
