Да се има висока температура под било кои околности може да е загрижувачко, но оваа состојба во бременоста може да биде особено вознемирувачка. За време на бременоста, имуниот систем е послаб и на тој начин поподложен на заболувања и симптомите може долго да се задржат.
Освен што трудницата се чувствува лошо, природно е да се грижи дали ваквата состојба ќе влијае на бебето. Ова е она што трудниците треба да го знаат за себе и бебето, и за враќање на доброто здравје.
Високата температура, клинички е дефинирана како температура од 38 и повеќе степени Целзиусови. Симптомите вклучуваат:
- Треска
- Чувство на голема топлина
- Болки во мускулите
- Потење
- Губење на апетитот
- Дехидрација
- Слабост
- Раздразливост
ОПАСНОСТИ ОД ВИСОКА ТЕМПЕРАТУРА ВО БРЕМЕНОСТА
Се прашувате како на бебето може да влијае високата температура? Бидете сигурни дека само затоа што вие сте болни, не значи дека и бебето е заразено. Наместо тоа, ризиците зависат од тоа колку е висока температурата. Кога лице има висока температура, се зголемува и внатрешната телесна температура, што исто така може да ја зголеми температурата и кај бебето. Тоа може да ги забрза неговите отчукувања на срцето, но тоа е само повремени и не предизвикува долгорочни последици. Но, ако жената има подолго време зголемена температура поради инфекција, постои можност да може да му наштети на плодот, велат лекарите.
- Висока температура во раната бременост кога е критичен период за развој ан фетусот, може да ги зголеми шансите детето да развие оштетувања на нервните цевки и други вродени неправилности.
ПРИЧИНИ
Ако имате висока температура, постои и причина за тоа, оти според лекарите, температурата е симптом и мора да се открие што ја предизвикало.
Постојат неколку работи кои може да доведат до висока телесна температура, и тоа може да е само настинка, или пак грип, инфекција на уринарниот систем или желудочни вируси. Но, може да станува збор и за нешто посериозно, како листериоза, токсоплазмоза или енцефалитис. Поради тоа, важно е да се побара лекарски совет.
ЛЕКУВАЊЕ
Ако се јави висока температура во бременоста, според лекарите, жената може да земе парацетамол, но поважно е да се води сметка за хидрираноста и одморот. Ставањето студени облоги на челото може да помогне да се чувствувате пдообро. Она што не треба да се пие се лекови како ацетилсалицилна киселина и ибупрофен, или било кој друг билен лек.
