ОВЕС
Овесот е богат со витамините Е, Б5 и Б6, како и многу минерални состојки. Тој е совршен извор на железо, бакар и манган. Го поттикнува варењето и е одличен за силни коски.
Може да се воведе во исхраната по седмиот месец.
ПРОСО
Просото е идеална храна за вашето бебе, особено ако го мачи стомачето. Не содржи глутен, кој често е алерген кај децата. Содржи бројни минерали, како калциум, калиум, магнезиум.
Се препорачува за бебиња кои имаат навршено шест месеци од животот.
- Подготовка: Може да се користи и брашно од просо за подготовка на каши ( се подготвува како палента) или зрно просо. Зрната се мијат низ вода, па во размер 1:4 се варат на тивок оган околу 30 минути. По потреба се додава вода.
АМАРАНТ
Амарантот е рудник на минерали. Богат е со сулфур, магнезиум, калциум… Го поттикнува клеточниот раст и репарација. Комплексот на витамини Б, витаминот А, Е и Ц, допринесуваат за јакнење на имунитетот и здравјето. Амарантот е семе без глутен.
Тој е суперхрана за појадок, лесно се подготвува, со варење во вода 15 минути. Може да се комбинира со други житарки во каша за појадок.
