Криенка е игра која се игра со бебињата секаде во светот, без разлика на јазикот и навиките. Зошто е толку универзална? Бидејќи тоа е многу моќна алатка за учење.
Станува збор за игра во која лицето со раце, крпа или некој сличен предмет го покрива лицето како да се сокрило, па потоа го открива, што доведува до смеа кај бебињата од неколку месеци. Таа иста постапка секогаш одново им е смешна.
Играта криенка покажува дека предизвикува одредени реакции во мозокот на детето. Претходната теорија била дека бебињата уживале во оваа игра бидејќи биле изненадени од појавата на лицето, со оглед дека било сокриено. Иако нам не ни изгледа смешно и интересно, децата, кои доживеале многу помалку од нас, стануваат изненадени од најчестите предмети и постапки.
Оваа игра ја користи основната структура на сите добри шеги – изненадување по исчекување. Научникот Хенри Глејтман и соработниците спровеле тест со бебиња на возраст од шест, седум и осум месеци. Во некои случаи се појавувало лице кое било истото по криењето, а во други се појавувало друго лице. Снимките на децата ги оценувале независни набљудувачи и оценувале колку децата се смеат.
Интересно е што децата помалку се смееле кога ќе се појавило друго лице, отколку кога ќе појавело истото лице пред криењето. Реакцијата зависела и од возраста на бебето. Постарите бебиња помалку се забавувале со новата личност отколку помладите бидејќи, како што наведува авторот, очекувањата се поголеми.
