Црвенилото под очите што се јавува кај децата најчесто е предизвикано од атопичен дерматитис или егзема. Често е кај децата, но може да се појави на која било возраст и да трае долго време или да избувнува периодично. Треба да се разликува црвенило или осип под очите од потемни кругови. Потемно црвенило или подочници кај децата не значат веднаш дека детето е со нарушено здравје или лошо спие.
ЧЕСТО СЕ ПРЕДИЗВИКАНИ ОД АЛЕРГИИ – поради затнатост на носот, протокот на крв е исто така нарушен што ги шири вените кои се слеваат од очите кон носот. Хроничните инфекции на синусите и зголемените крајници предизвикуваат затнат нос, создавајќи венски „базен“ под очите.
Во повеќето случаи, темните кругови под очите не бараат медицинска интервенција, главно, помагаат деконгестиви и антихистаминици кои би ги ублажиле алергиите на детето.
- Атопичен дерматитис (егзема)
Доенчињата и децата најчесто страдаат од атопичен дерматитис, иако состојбата може да се продолжи и подоцна во животот.
Знаци и симптоми:
- црвенило на лицето, вратот, лактот, коленото, раката и ногата,
- малку задебелени, црвеникаво подигнати подрачја под очите,
- осип,
- сува кожа,
- чешање,
- чувствителна кожа.
Причини:
Се смета дека егземата е предизвикана од промена во гените одговорни за заштита на кожата од влијание на бактериите, надразнувачите и алергените.
Кога оваа функција е нарушена, заштитата на кожата е нарушена од фактори на животната средина. Кај повеќето семејства постои историја на заболување со егзема, постојана алергија или астма.
