Малку што може да се спореди со чувството на радост кое не обзема кога гледаме бебе кое се смее во сон. Но, дали сте знаеле дека бебињата се смеат и пред да се родат? Тој магичен момент вообичаено се случува додека бебето спие. Родителите тогаш се прашуваат: дали бебето нешто сонувало? Се сеќава ли на времето поминато во мајчиниот стомак?
Ова е се некои интересни информации за тој волшебен извор на радост – бебешката насмевка.
Бебињата се смеат уште пред да се родат
Ако сте имале среќа да го видите вашето бебе како се смее на ултразвук, немојте да мислите дека таа насмевка ви се причинила. Студија која проучувала над 500 бремени жени со помош на 4Д ултразвук покажала дека дури 31 фетус всушност се смешкал. Сите се насмевнувале во просек по 3,21 секунда. На овој начин, научниците утврдиле дека спонтаните насмевки се појавуваат дури и додека бебињата се уште се во утробата, и тоа пред нивното раѓање.
Првите насмевки се рефлексни
Како што споменавме претходно, овие дејствија што бебето ги прави во матката се сметаат за рефлексни дејства. Односно, тие се непосреден одговор на стимул, што во случај со бебињата обично е чувство на внатрешна благосостојба. За разлика од многумина од нас, многу е веројатно дека бебињата всушност не се свесни дека се смешкаат, па зборуваме за ненамерно движење на мускулите.
Вистинско време за насмевки
За време на спиењето, новороденчето нормално поминува низ 2 фази на сонот: активен сон и длабок сон. Се смета дека активната фаза, позната и како РЕМ фаза, која означува брзо движење на очите, е предизвикана од интензивна активност на мозокот. Ова се случува приближно 60-90 минути откако бебето ќе заспие, но сонот функционира во циклуси, така што и РЕМ фазата ќе се менува со длабок сон. Сепак, најверојатно ќе ги видиме нашите бебиња како се смеат, прават гримаси или ги истегнуваат нозете за време на РЕМ спиењето.
Насмевката како одговор
Бидејќи не можат да зборуваат, насмевката и плачот се основните средства за комуникација на детето. Ова е, барем, точно во првите моменти по раѓањето. Сепак, имајте на ум дека некои истражувања успеале да докажат дека бебињата се социјални суштества веќе неколку денови или дури и часови по раѓањето. Тоа е причината зошто нивните насмевки можат да бидат и одговор на позитивни чувства или смирувачки сензации како што е галење по образ. Пријатни стимули, како што се познати гласови, мириси и вкусови, исто така, можат да предизвикаат насмевка кај бебето.
И додека гледаме како бебе цврсто спие, често го гледаме и како се насмевнува, но тоа не мора да значи дека сонува, дури и ако се чини дека е така. Всушност, ова е речиси невозможно, бидејќи новороденото бебе се уште нема доволно искуства за паметење, ниту пак има способност да замислува, а неговиот мозок продолжува да расте за да ги стекне тие способности.
