Зошто се јавува низок притисок во бременоста?

Она што треба да го знаете е дека крвниот притисок може и да варира, во зависност од нивото на енергија, стрес и нервоза кај мајката, и од тоа во кој период од денот се мери.

Појавата на низок крвен притисок во бремноста е вообичаена, особено во првите месеци, односно во првите 24  недели, што е предизвикано од васкуларниот систем – вените се шират за да обезбедат доволен проток на крвта во матката.

За разлика од високиот, нискиот притисок или хипотензијата не предизвикува сериозни здравствени проблеми. Но, кога притисокот е многу низок, може да дојде до одредени компликации во раната бременост, вклучувајќи ектопична бременост при која оплодената јајце клетка се имплантира на друго место, наместо во матката.

Од тие причини, редовните прегледи кај матичниот гинеколог, на кои задолжително се мери и крвниот притисок се важни за здрава бременост. Она што треба да го знаете е дека крвниот притисок може и да варира, во зависност од нивото на енергија, стрес и нервоза кај мајката, и од тоа во кој период од денот се мери.

За разлика од високиот, нискиот притисок или хипотензијата не предизвикува сериозни здравствени проблеми.

Но, освен ова, постојат и други фактори кои може да доведат до проблеми и пад на крвниот притисок.

  • Дехидрација
  • Инфекции
  • Алергиски реакции
  • Долготрајно лежење во кревет
  • Внатрешно крварење
  • Анемија
  • Проблеми со срцето
  • Ендокринолошко пореметување

По кои симптоми може да се препознае нискиот притисок

  • Мачнини
  • Вртоглавица
  • Зашеметеност, па дури и несвестица, особено по брзо станување
  • Замор
  • Отежнато дишење
  • Жед и покрај доволниот внес на течности
  • Бледа кожа
  • Проблеми со видот
  • Депресија