Во бременоста, имунитетот може да биде разнишан, а инфекциите од вируси во овој период од годината можат да бидат потешки. Во последно време се повеќе се информира за смртни исходи кај трудници заразени со коронавирус. Д-р Срѓан Бошковиќ од Институтот за кардиоваскулани болести Дедиње во Белград објаснува зошто доаѓа до вака страшен исход кај бремените жени.
„Бремените жени и онака имаат пореметување на коагулацијата во последното тримесечје, имаат зголемено ниво на д-димери. Механиката на нивното дишење е поинаква поради големината на стомакот. Трудниците поради тоа се екстремно загрозени“, објаснува д-р Бошковиќ за локалните медиуми.
Тој открива и што е најдобро да направат бремените жени за да се заштитат од коронавирусот.
“Советуваме да се вакцинираат и против грип. Единствено решение за сите, а и за трудниците е секако вакцина против коронавирусот и што помалку контакти со луѓе“, објаснува кардиологот.
