Најпознати се мускатната и хокаидо тиквата. Мускатната тиква се долгнавеста со “стомак“ во форма која потсетува на тамбура. Хокаидо тиквата е со топчеста форма, со интензивна портокалово-црвена кора и тврдо ткиво, кое по вкус потсетува на костен. Искуствата на луѓето велат дека мускатната ткива е подобра за печење, додека хокаидо е подобра за варење.
“Нутритивната, односно хранлива вредност на тивката е исклучително голема бидејќи таа содржи важни и лековити состојки. Покрај малата количина на белковини, јаглехидрати и масти, таа содржи и низа витамини и тоа каротин или провитамин А, витамин Ц и витамини од Б групата (Б1, Б2, Б3, Б6), потоа ниацин и фолна киселина. Од минералните состојки најзастапени се: калиум, фосфор, калциум и железо. Содржи и олиго и микроелементи, пектин, целулоза и други растителни влакна, што се заедно ја потврдува нејзината голема улога во правилниот раст и развој на бебињата.
Во исхраната на бебето, тиквата се воведува на самиот почеток на воведувањето цврста храна, околу петтиот-шестиот месец. Тиквата може да се користи за подготовка на солени и слатки јадења, за ручек или пак за вечера, но и за појадок.
Со додавање на тиква во секој оброк се добива одреден сладок вкус и хранливост. Најдобро е да се комбинира со зеленчук во боја спротивна на нејзината (компир, спанаќ, блитва…), ориз и разни видови на месо кои се погодни за бебето.
Колку долго ќе се готви не зависи само од видот на тиквата, туку и од големината на парчињата на кои е исечена пред подготовката. Големи парчиња може да се подготвуваат и до 20 минути, додека мали коцки тиква се сварени за неполни пет минути.
