Главниот симптом што може да укажува на Ковид-19 е болки во грлото, според податоците собрани од 17.500 луѓе кои рекле дека биле позитивни на тестот за Ковид.
По болки во грлото, според редоследот на зачестеност, следат главоболка, затнат нос и кашлица.
Високата температура или треска, како и губење на мирис или вкус сега се јавуваат поретко кај пациентите.
Зарипнат глас, кивање, замор, болки во мускулите и вртоглавица се јавуваат во малку поголема мера.
Во топ 20 симптоми на Ковид, според податоците од студијата Zoe App, спаѓаат: болки во грлото (58 проценти), главоболка (49 проценти), затнат нос (40 проценти), кашлица без слуз (40 проценти), течење на носот (40 проценти), кашлица со слуз (37 проценти), засипнат глас (35 проценти), кивање (32 проценти), замор (27 проценти), болки во мускулите (25 проценти), вртоглавица (18 проценти), отечени жлезди на вратот (15 проценти ), болка во окото (14 проценти), промени во сетилото за мирис (13 проценти), стегање во градите (13 проценти), грозница (13 проценти), краток здив (11 проценти), болка во уво (11 проценти) и губење на мирис (10 проценти).
По болки во грлото, според редоследот на зачестеност, следат главоболка, затнат нос и кашлица
Ваквата зачестеност на симптоми кај заразените се совпаѓа со наодите на други истражувачи.
Како дел од студијата React-1, научниците секој месец испраќаа домашни тестови на 150.000 случајно избрани луѓе ширум Англија, а нивните наоди помогнаа да се открие како симптомите на Ковид се промениле од почетокот на пандемијата и како се развива пандемијата, пишува „Би-Би-Си“.
Научниците веруваат дека ова може да укаже на тоа како вирусот се менува и мутира со текот на времето. Од почетокот на пандемијата се појавија неколку варијанти, а последната е омикрон со неговите подваријанти.
Студијата React-1 покажува дека губењето на мирисот и вкусот се случува многу поретко кај оваа варијанта, иако беше еден од доминантните симптоми во оригиналната вуханска варијанта.
