БОРБА ПРОТИВ КОВИД-19: Три нови студии откриле колку е важно носењето маски во училиштата

Овие студии откриле дека во училиштата во кои не постојат универзални правила за носење маски имаат поголеми шанси за избивање жаришта. Во целата земја, во областите во кои нема задолжително носење маски, бројот на педијатриски случаи на КОВИД-19 се зголемил двојно побрзо во тој ист период.

Центарот за контрола и превенција на болести (ЦДЦ) пред три дена објави три нови студии во својот неделен извештај за морбидитетот и морталитетот кои нагласуваат колку е важно да се носи заштита на лицето за да се спречи ширење на вирусот и за наставата со физичко присуство биде побезбедна.

Овие студии откриле дека во училиштата во кои не постојат универзални правила за носење маски имаат поголеми шанси за избивање жаришта. Во целата земја, во областите во кои нема задолжително носење маски, бројот на педијатриски случаи на КОВИД-19 се зголемил двојно побрзо во тој ист период.

Еден извештај од Аризона открил дека училишта во две најнаселени области во таа држава имаат 3,5 пати поголеми шанси за избивање жаришѕа ако немаат задолжително носење маски во споредба со училишта во кои се носат маски од првиот ден.

Универзалните правила за носење маски се важни за училиштата, а оваа студија нагласува дека маските можат да го намалат ширењето на коронавирусот и да спречат појава на епидемии во училиштата.

Друг извештај открил дека две недели по почетокот на наставата, просечниот број на случаи на педијатриска ковид случаи бил помал во областите каде маските биле задолжителни во училиштата (16,32 на 100,000 / ден) во споредба со областите каде што маските не биле задолжителни (34,85 случаи на 100,000 / ден). Овие податоци покажуваат како одредени мерки можат да го намалат товарот врз здравствениот систем.

Третиот извештај го проучувал затворањето на училиштата поради КОВИД-19, а покажало дека и покрај тоа што околу 1.800 училишта биле затворени оваа учебна година, дури 96% од јавните училишта се уште биле отворени и наставата се одржувала со физичко присуство.

ЦДЦ наведува дека една од нивните главни насоки е да им обезбедат на учениците безбедна средина за учење во живо, а сметаат дека тоа може да се постигне со користење на заштита на лицето.

ЦДЦ посочува дека овие студии укажуваат кои насоки покажуваат што може да помогне да се спречи ширењето на вирусот. Промовирањето на вакцинација за одредени групи, носење маски и тестирањето се докажани методи со кои одиме кон крајот на пандемијата, сметаат експертите од ЦДЦ.