Д-р Олгица Николовска: КОРОНАВИРУСОТ-ЧУМА НА 21 ВЕК: Педијатрите се најзагрозени од сите матични доктори

ПИШУВА:
Д-р Олгица Николовска
специјалист педијатар

♦♦♦♦♦♦♦

Коронавирус – Ковид-19, SARS C02, нов член на фамилијата на коронавирусите, досега непознат, исклучително контагиозен, постојано променлив со тенденција за мутации, внесе страв, нелагодност, пореметување на нашето секојдневие, потешкотии во извршувањето на активностите и нашата работа во вонредни услови кои се донесени од Владата и ресорното Министерство за здравство.

Доколку сте биле во контакт со заболени од коронавирус, а вашето дете има симптоми на температура, сува кашлица, дијареја, тогаш јавете се во Институтот за белодробни заболувања – Козле каде што ќе добиете инструкции за натамошен третман

Затоа наши драги и ценети пациенти, придржувајте се на пропишаните мерки од страна на Министерството за здравство и Комисијата за инфективни заболувања, кои секојдневно се прикажуваат на сите национални телевизии по повеќе пати и во ударни термини, на социјалните мрежи и постоечките портали.

Доколку не сте патувале и не сте биле во контакт со заболено лице од коронавирус, лекувајте го вашето дете во домашни услови со симптоматска терапија како при секоја вирусна состојба односно настинка

На кратко:

• Седете дома во границите на потесното семејство;

• Редовно одржувајте хигиена и прописно мијте ги рацете најмалку 30 секунди со антисептичко средство;

• Респираторна етикета (покривање на устата и носот при кивање и кашлање);

• Се смета дека кратки прошетки со ограничено времетраење и без собиранки во парк е корисно за менталното здравје и на родителите и на детето.

Како треба да постапите кога вашето дете има симптоми на некакво заболување од типот на покачена температура, кашлица, течење на нос, течни столици, малаксаност, губење на апетит и др.:

1. Не одете веднаш кај вашиот матичен педијатар;

2. Јавете се телефонски и објаснете ги симптомите на вашето дете за да добиете правилни насоки што треба да правите. Доколку не сте патувале и не сте биле во контакт со заболено лице од коронавирус, лекувајте го вашето дете во домашни услови со симптоматска терапија како при секоја вирусна состојба односно настинка. Ако состојбата на вашето дете се влоши тогаш со претходна најава закажете преглед кај вашиот педијатар;

3. Доколку сте биле во контакт со заболени од коронавирус, а вашето дете има симптоми на температура, сува кашлица, дијареја, тогаш јавете се во Институтот за белодробни заболувања – Козле каде ќе добиете инструкции за натамошен третман;

4. На овој начин ќе бидат заштитени другите пациенти, а и медицинскиот персонал затоа што педијатрите се најзагрозени од сите матични доктори со оглед на тоа дека 90 проценти од педијатриската патологија се инфекции на горниот и долниот респираторен тракт, а чија етиологија може да биде алергиска, бактериска, вирусна (во која спаѓа и корона инфекцијата).

„СЛОГАНОТ СЕДЕТЕ ДОМА“ е императив кој ќе ве заштити вас, вашето дете, вашите баби и дедовци. ИЗОЛАЦИЈАТА е единствениот начин на кој можеме да се избориме со оваа чума на 21 век – КОРОНА КОВИД-19.