Суперширителите на COVID-19 имаат две забележителни физички карактеристики, поради кои имаат поголем потенцијал за ширење на инфекцијата на другите: сите заби на број и затнат нос, открива новата научна студија.
Студијата која е објавена во научното списание „Physics of Fluids“ покажала дека наведените физички карактеристики може да значат дека лицето кое ги има е потенцијален суперширител на инфекција со коронавирус.
Истражувањето е спроведено од научници од University of Central Florida, со употреба на компјутерски креирани модели кои нумерички симулирале кивање. Тие моделирале различни типови на луѓе за да можат да ги поврзат физиолошките карактеристики на една личност со тоа колку далеку летаат капките надвор од устата кога ќе кивне истата личност. Тие исто така измериле и колку долго капките се задржуваат во воздухот.
Маските навистина помагаат да се спречи ширењето на инфекцијата, а редовното чистење на носот и кивањето во марамче, исто така, ќе помогне вирусите да се шират значително помалку
На нивно изненадување, двете карактеристики што ги откриле се дека потенцијалните суперширители имаат затнат нос и сите заби на број во устата.
„Оваа студија е прва во потрагата по тоа зошто капките кашлица летаат различно од личност до личност“, објасни Мајкл Кинзел, коавтор на студијата и асс. професор на гореспоменатиот универзитет во САД.
Кинзел вели дека и човечкото тело има свои „инфлуенсери“ кога станува збор за телесните процеси. Еден од примерите е и кивање додека носот е чист, а работата е во тоа што кога се кива со проодни дишни патишта во носот, тоа значи дека постои уште еден слободен излез покрај устата.
Меѓутоа, кога носот е затнат, блокиран, излезот низ него е ограничен, па затоа се создава поголем притисок при кивање во устата, што резултира и со поголемо забрзување на капките при излегување од устата.
Во сето ова, забите служат како еден вид „помагач“, што го стеснува опсегот на излез и го прави млазот од кивање уште посилен и побурен.
При тестирањето биле користени четири модели на „лица“: индивидуа со прооден нос и сите заби, индивидуа со прооден нос и без заби, индивидуа со затнат нос и без заби и индивидуа со затнат нос и сите заби.
Четвртиот наведен модел се покажал како потенцијален суперширител, бидејќи млазот од кивање од неговата уста летал 60 проценти подалеку од другите модели.
Значи, маските навистина помагаат да се спречи ширењето на инфекцијата, а редовното чистење на носот и кивањето во марамче, исто така, ќе помогне вирусите да се шират значително помалку. (International Business Times)
