Брзото ширење на омикрон варијантата доведе до рекордни бројки на инфекции и хоспитализации на деца, а за ризикот допринесуваат и антиваксерските дезинформации за штетностите на вакцините што им се сервираат на родителите.
Веројатноста дека младите ќе умрат од вирусот и понатаму е мала. Вакцините во голема мера ја намалуваат опасноста од тешка форма на болеста, а вакцинираните мајки можат заштитата на да пренесат на децата.
СОМНЕЖИ ЗА ВАКЦИНИТЕ
Сепак, поради сомневања околу вакцините што се шират преку интернет, родителите и децата и понатаму се ранливи.
Васим Балан, лекар во детска болница во Феникс, вели дека борбата против дезинформациите станала дел од неговата работа, било да се работи за загриженост околу тоа дека вакцините се пребрзо развиени или за лажни тврдења дека може да влијаат на плодноста.
“За жал, овој разговор со родителите често го водиме кога детето веќе завршило во болница“, вели тој.
Важно е родителите да разберат дека вакцините се “најважниот алат за заштита“, а особено помагаат да се избегне ретка и опасна комоликација на мултисистемски воспалителен синдром, кој кај децата може да се јави и при блага инфекција.
ЗАШТИТА ОД МАТКАТА
Во првата недела од јануари, детска болница во Хјустон имала 12 случаи на новороденчиња кои поради КОВИД-19 се наоѓале на интензивна нега.
Новороденчињата се премлади за вакцина, но д-р Кетрин Греј од одделот за фетална медицина во болницата Бригам, вели дека се повеќе докази упатуваат дека при вакцинација за време на бременоста, антителата на безбеден начин се пренесуваат од мајката на детето, што и него барем делумно го штитат.
Бремените жени се колебаат да примат вакцина, со оглед дека не беа вкучени во почетните клинички испитувања.
Д-р Греј вели дека денес, врз основа на сите податоци, може со сигурност да се каже на трудниците дека вакцината е безбедна како за мајката, така и за детето.
“Ако навистина сакаат да го заштитат своето новороденче, најдобар начин за тоа е да се вакцинираат себеси“.
Карла Десисто и Саша Елингтон, епидемиолози од американскиот Центар за контрола и превенција на болести велат дека меѓу 1,2 милиони родени “нема докази за зголемена зачестеност на мртвородени во текот на пандемијата“.
Но, нивното истражување покажало колку е опасно да се зарази со КОВИД-19 во текот на бременоста.
“Во споредба со трудниците кои немаат КОВИД-19, оние кои заболеле од него се под зголемен ризик од неповолен исход на бременоста, како раѓање на недоносено и мртвороденче“, порачуваат двете научнички.
“МЛЕКО БЕЗ ВАКЦИНА“
Дезинформациите се однесуваат и на доењето и се појавуваат објави според кои децата кои биле доени од мајки кои се вакцинирале добивале осип, или дури и умирале.
Здружението за фетална медицина им препорачува на доилките да се вакцинираат и им порачува дека нема причини по примањето вакцина, да престанат да дојат.
На социјалните мрежи, дезинформациите се се почести во групит за размена и продажба на мајчино млеко. Бетани Бристоу искажала загриженост поради побарувачка на “млеко без вакцина“ во една од најголемите такви групи.
Оваа мајка заедно со други модератори, одлучила да забрани такви прашања со строго правило дека: “Огласување и побарувачка на млеко од невакцинирани мајки ве загрозува вас, вашите деца и заедницата“.
Истражувањата укажуваат на придобивка од млекото на вакцинираните мајки, вели Лаура Вард од Центарот за доење при детската болница во Синсинати.
“Во млекото на вакцинираните мајки најдени се антитела, што значи дека вакцинираните мајки на доенчињата може да им пренесат одредена заштита од КОВИД-19“.
