Ако сте ги примиле сите дози од вакцината против Ковид-19, зошто едноставно намерно не би се заразиле со омикрон варијантата на коронавирус како би стекнале природен имунитет и да ставите крај на таа приказна? Омикрон е сепак поблага варијанта, нели?
Висока температура, болки во телото, отечени лимфни жлезди, болки во грлото и тешка конгестија се чести симптоми и на поблаги варијанти на омикрон. Заразените луѓе чувствуваат слабост со денови. „Луѓето зборуваат за омикрон како да е тоа некоја појака настинка. Не е“, вели д-р Марфи. „Тоа е болест опасна по живот“
Ова се прашања кои деновиве често можат да се видат на социјалните мрежи.
Идејата за намерна инфекција со омикрон станува сè попопуларна, вели д-р Пол Офит, директор на Центарот за едукација за вакцини во Детската болница во Филаделфија, пренесува „Си-Ен-Ен“.
„Теоријата се шири како шумски пожар, како меѓу вакцинираните, така и меѓу невакцинираните“, потврдува д-р Роберт Марфи, директор на Институтот за глобално здравје Хејви при Northwestern University Feiberg School of Medicine, и предупредува: „Треба да бидете луди за намерно да одите да се заразите. Тоа е како играње со динамит“.
Во случај да ви текне нешто такво, еве пет причини зошто не треба да се обидувате намерно да се заразите со омикрон.
ОМИКРОН НЕ Е САМО „МАЛКУ ПОЈАКА НАСТИНКА“
Висока температура, болки во телото, отечени лимфни жлезди, болки во грлото и тешка конгестија се чести симптоми и на поблаги варијанти на омикрон, вели Марфи. Заразените луѓе чувствуваат слабост со денови. „Луѓето зборуваат за омикрон како да е тоа некоја појака настинка. Не е“, продолжува Марфи. „Тоа е болест опасна по живот“.
Може да добиете долг Ковид, а тој со себе носи отежнато дишење, екстремен замор, треска, вртоглавица, дијареја, палпитации, болки во мускулите и стомакот, потешкотии со спиењето и промени во расположението, додека сериозните форми на долгиот Ковид може да ги оштетат белите дробови, срцето и бубрезите, но и менталното здравје
Неодамнешната студија во која учествувале над милион испитаници, објавена од Американскиот центар за контрола и превенција на болести (ЦДЦ), покажува дека ризикот од опасни последици од инфекција со коронавирус е поголем кај вакцинираните лица над 65 години, оние со ослабен имунолошки систем или оние кои страдаат од дијабетес или хронични заболувања на бубрезите, белите дробови, срцето, црниот дроб или мозокот.
Меѓутоа, дури и луѓето со добра здравствена состојба можат сериозно да се разболат, предупредува Марфи. „Во моментов имам пациент кој е комплетно вакциниран, има над 65 години и нема коморбидитети, а се наоѓа во болница во лоша состојба.
Вистина е дека инфекцијата со омикрон, во споредба со варијантата делта, носи помал ризик од хоспитализација и смрт за сите возрасни групи, вели Офит. „Но, тоа не значи дека овде не зборуваме за сериозна болест. Таа е само нешто помалку опасна. Шансите за смрт не се нула проценти“.
Податоците на Американската академија за педијатрија покажуваат нагорен тренд на инфекција кај децата, што е далеку поголем од „врвовите на претходните бранови на инфекција“. Случаите на инфекција кај децата досега најчесто доведуваа до благи форми на болеста, но поради неверојатното брзо ширење на омикрон, рекорден број деца под 18 години завршуваат во болниците, покажуваат податоците на ЦДЦ
МОЖЕ ДА ДОБИЕТЕ ДОЛГ КОВИД
Губењето на чувството за мирис (а со самото тоа и на вкус) е сè почест симптом на блага инфекција со коронавирус. Истражувањата покажуваат дека околу 80 проценти од луѓето ги враќаат сетилата во рок од еден месец, но на некои не им се враќа вкусот и мирисот дури и по 6 месеци, додека има и такви на кои овие сетила никогаш не им се враќаат.
Колку и да е непријатно, губењето на осетот за мирис или вкус е само една од низата загрижувачки состојби кои траат долго по инфекцијата.
Долгиот Ковид со себе носи отежнато дишење, екстремен замор, треска, вртоглавица, дијареја, палпитации, болки во мускулите и стомакот, потешкотии со спиењето и промени во расположението.
Сериозните форми на долгиот Ковид може да ги оштетат белите дробови, срцето и бубрезите, но и менталното здравје. Тие може да се квалификуваат како форма на попреченост во САД. „Сè уште учиме за долгиот Ковид“, вели Офит. „Бидејќи сè уште не го разбираме добро, не е паметно намерно да се изложувате на вирусот“.
ЈА ПРЕНЕСУВАТЕ БОЛЕСТА НА ДЕЦАТА
Малку деца досега имаат примено вакцина против Ковид. Ова значи дека секое ризично однесување што може да доведе до инфекција – неносење маска, игнорирање на упатствата за дистанцирање, движење во големи гужви, особено во затворени простории – може да значи дека можете да ја пренесете инфекцијата на вашите деца.
Податоците на Американската академија за педијатрија покажуваат нагорен тренд на инфекција кај децата, што е далеку поголем од „врвовите на претходните бранови на инфекција“. Случаите на инфекција кај децата досега најчесто доведуваа до благи форми на болеста, но поради неверојатното брзо ширење на високо заразниот омикрон, рекорден број деца под 18 години завршуваат во болниците, покажуваат податоците на ЦДЦ.
Вистина е дека инфекцијата со омикрон, во споредба со варијантата делта, носи помал ризик од хоспитализација и смрт за сите возрасни групи, вели д-р Офит. „Но, тоа не значи дека овде не зборуваме за сериозна болест. Таа е само нешто помалку опасна. Шансите за смрт не се нула проценти“
„Најдобар начин да се заштитат децата е да се вакцинираат што е можно поскоро, но и да се вакцинираат сите во нивното домаќинство“, рече директорката на ЦДЦ, д-р Рошел Валенски.
ЌЕ ГО ПРЕОПТОВАРИТЕ ЗДРАВСТВЕНИОТ СИСТЕМ
Намерната инфекција со коронавирус „ќе го преоптовари здравствениот систем и ќе го продолжи траењето на пандемијата“, вели Марфи.
„Здравствениот систем едноставно не е дизајниран да се носи со Ковид. Тој постои за да се грижи за деца со воспаление на слепото црево или луѓе кои имаат срцев удар или сообраќајна несреќа“, вели д-р Ашиш Џа, декан на Одделот за јавно здравје на универзитетот Браун. „Се ќе биде многу, многу потешко бидејќи голем дел од населението не е вакцинирано, многу луѓе со зголемен ризик не примиле бустер доза“, додава тој.
НЕ СИ ИГРАЈТЕ СО ПРИРОДАТА
Дали некогаш била добра идеја намерно да се разболите од некоја болест? Постарите се сеќаваат на нивните родители кои знаеле да организираат забави на кои намерно ги изложувале своите деца на сипаници. Бидејќи оваа болест е посериозна кога заразениот е возрасен, идејата била да се заразат децата на рана возраст „за да се ослободат од болеста“.
„Тоа беше исто така лоша идеја“, вели Офит, наведувајќи пример на едукативен филм за вакцината што го направил пред неколку години. За време на снимањето, камерманот му кажал дека неговата сестра го однела своето дете на една таква забава. Одлуката имала трагичен исход – нејзиното дете починало од инфекцијата. „Не си играјте со природата“, предупредува Офит, а пренесува „Си-Ен-Ен“.
