Инфекции кои се многу опасни по бебето во стомакот на мајката

Запознајте се со фактите, и ќе знаете како треба да се заштитите – и себе и своето дете.

Настинка во бременоста, обично не е причина за загриженост, но постојат инфекции кои можат да го загрозат нероденото дете.

 

ТОКСОПЛАЗМОЗА

Ја предизвкува паразит кој живее во недоволно сварено или во суровото месо, непастеризирано козјо млеко, производи на база на козјо сирење, во неизмиено овошје и зеленчук и во измет од мачка. Симптомите се слични како кај грипот, но во повеќето случаи, инфекцијата не покажува никакви симптоми. Околу една третина од жените се имуни на оваа болест.

  • Кои се опасностите по бебето?

Последиците може да бидат оштетување на видот и на мозокот, а во некои случаи и спонтан абортус или мртвородено дете. Ако стравувате дека сте заразени, дајте крв на анализа. Во случај да е позитивен, со понатамошни анализи се утврдува кога дошло ди инфекцијата и дали постои ризик за бебето. Позтивниот резултат може да значи и дека воо одреден период во минатото сте биле заразени, но дека вие и вашето бебе, моментално сте имуни.

ВАРИЧЕЛА

Оваа инфекција предизвикува чешање и појава на пликови на кожата. Се пренесува преку воздух или во директен контакт со заболено лице.

  • Кои се опасностите по бебето?

Ако се инфицирате во текот на првите 20 недели од бременоста, постои извесен ризик дека ќе дојде до фетални абнормалности, односно проблеми со очите, помала телесна тежина и побавен развој. Ако се заразите непосредно пред  породувањето, вашето бебе ќе биде заразено со инфекцијата, што е многу сериозен проблем.

РУБЕОЛА

Кај децата може да се јави чешање, но понекогап симптомите целосно изостануваат. Кај возрасни, температурата може да биде благо покачена, се јавува чешање, болка во зглобовите,а жлездите се зголемени. Рубеолата ретко се јавува во модерниот свет.

  • Кои се опасностите по бебето?

Ако добиете во текот на првите три месеци од бременоста, бебето може да заболи и да му се оштети срцето, нервниот систем, видот и слухот. Постои опасност од спонтан абортус или мртвородено бебе.

ЛИСТЕРИОЗА

Исклучително ретка инфекција која се пренесува со консумирање на производи од непастеризирано млеко и недоволно зготвена и сварена храна. Предизвикува гастроинтестинални симптоми и треска.

  • Кои се опасностите по бебето?

Може да предизвика спонтан абортус во доцна фаза од бременоста или предвремено породување.