Колку вода дневно треба да пијат децата?

На децата им е неопходно внес од околу два литра вода дневно, бидејќи дехидратацијата може да влијае на намалување на концентрација, менталните способности, да предивика замор, поспаност и главоболка. 

Стручњаците од Европскиот институт за хидратација наведуваат дека препорачаната дневна количина вода кај децата е помеѓу 6 и 8 чаши, односно околу два литра вода.

Децата би требало да пијат најмалку три до четири чаши течности додека се на училиште, како и да го зголемат внесот на течности кога времето е топло и кога се занимаваат со физички активности. Внесувањето на течности е неопходно пред, за време и после физички активности и не се однесува само за време на часот по физичко воспитување, туку и за време на активната игра како што се фудбал или играње во дворот.

Учениците поголемиот дел од денот го поминуваат на училиште, а за тоа време тие треба да испијат најмалку половина од дневно препорачаната доза, рамномерно распоредени во текот на денот.

Врз основа на истражувањата кои ги спровела Европската организација за исправност на храна, препорачан внес на вода за помалите деца е: 1,3 литри за момчињата и девојчиња до две години старост, 1,6 литри за деца до пет години, 2,1 литар за момчиња од 9 до 13 години и 1,9 литри за девојчиња.

На адолесцентите им е потребно повеќе од два литра, а стручњаците од Европскиот институт, исто така сметаат дека сите пијалaци, вклучувајќи ги и водата, млекото, соковите, негазирани и газирани пијалоци, како и храна со зголемена количина вода, како што се супи и зеленчук, допринесуваат за хидратација.

Многу родители не ги препознаваат знаците на дехидратација, па дури и оние кога станува збор за блага дехидратација.

Лошата хидратација има негативно влијание на менталните способности и способноста за учење кај децата. Симптомите на блага дехидратација се замор, главоболка, како и забавеност и намалување на способноста за концентрација.


До моментот додека детето почувствува жед, менталните способности може да ослабат и до 10%, а вниманието, концентрацијата и помнењето се способности на кои недостатокот на течности има негативно влијание.