Оние кои прележале Ковид-19 се соочуваат со поголем ризик да развијат невролошки и психијатриски проблеми како психоза, деменција и мозочна магла дури и две години по инфекцијата, покажува новото истражување.
Професорот Пол Харисон, шеф на истражувањето од Универзитетот во Оксфорд, рече дека „покрај претходните наоди дека Ковид-19 може да го зголеми ризикот од невролошки и психијатриски состојби во првите шест месеци по инфекцијата“, оваа студија „сугерира дека кај некои овие ризици може да траат до две години“.
„Резултатите имаат важни импликации за пациентите и здравствените служби, бидејќи сугерираат дека нови случаи на невролошки состојби поврзани со Ковид-19 веројатно ќе се појавуваат долго откако пандемијата ќе стивне“, нагласи Харисон.
Студијата е спроведена на 1,25 милиони луѓе заразени со коронавирус, а исто така покажала и дека кај децата расте ризикот од развој на ментални нарушувања и напади
Студијата е спроведена на 1,25 милиони луѓе заразени со коронавирус, а исто така покажала и дека кај децата расте ризикот од развој на ментални нарушувања и напади.
Истражувањето покажало дека делта варијантата на вирусот е поврзана со повеќе нарушувања отколку алфа, а омикрон носи слични невролошки и психијатриски ризици како делта.
Кај возрасните, Ковид-19 носи и ризик од анксиозност и депресија, но тој се намалува во рок од два месеци од инфекцијата, а по две години, ризикот се намалува на ниво како кај други респираторни инфекции.
