КОВИД-19 опасен за мозокот и по оздравувањето

Студијата, за која претстои колегијална проверка, е една во низата докази дека психолошкиот стрес кој доаѓа со КОВИД-19 не може да се игнорира.

Анализа на одделот за психијатрија на Универзитетот Оксфорд утврдила дека кај еден од осум пациенти кои ја прележале болеста КОВИД-19 во првите шест месеци по оздравувањето, прв пат се дијагностицира некакво психијатриско или невролошко заболување.

Студијата, за која претстои колегијална проверка, е една во низата докази дека психолошкиот стрес кој доаѓа со КОВИД-19 не може да се игнорира.

Освен тоа, резулатот бил уште полош (еден од три пациенти) кога истражувачите вклучиле и пациенти со историја на психијатриски или невролошки заболувања.

Британските научници ги користеле здравствените картони за да оценат 236.379 хоспитализирани и нехоспитализирани пациенти во САД, на кои им била потврдена дијагноза КОВИД-19 и ги споредиле со група на пациенти на кои им бил дијагностициран грип и други респираторни заболувања помеѓу 29. јануари и 13. декември 2020 година.

Во анализата, која ги земала предвид и познатите ризик фактори – возраст, пол, раса, постоечки физички и ментални состојби, како и социо-економската положба, утврдено е дека инциденцата на невролошките и психијатриските заболувања по КОВИД-19 е дури 33,6 проценти. Од тоа, 13 отсто од лицата нема никаква историја на такви заболувања.

Заболувањата кои ги погаѓаат од КОВИД-19 излекувани пациенти најчесто се: мозочен удар, акутно крварење во мозокот или черепот, деменција и психијатриски поеметувања.

Најновата студија ги поддржува податоците од претходни истражувања кои покажаа дека кај едно од пет лица во првите три месеци откако ќе се опорават од КОВИД-19 им се дијагностицира некое психијатриско нарушување.