мРНА вакцините против Ковид-19 се ефикасни кај бремени жени и доилки, открива најновата студија

Нивоата на антитела предизвикани од вакцината биле „неверојатно повисоки“ од оние кои се резултат на инфекција со коронавирус за време на бременоста, покажа истражувањето објавено денеска во „American Journal of Obstetrics and Gynecology“

Наодите се во согласност со неодамнешните истражувања, иако ова е досега најголемата студија за вакцини кај бремени жени. Бремените жени и доилките не беа вклучени во првичните клинички испитувања на вакцините

Вакцините против Ковид-19 на Фајзер/Бионтек и Модерна се ефикасни кај бремени жени и доилки, кои можат да пренесат заштитни антитела на новороденчињата, според истражувањето објавено денеска во „American Journal of Obstetrics and Gynecology“.

Истражувачите не откриле докази за повеќе несакани ефекти или поинтензивни несакани ефекти кај бремените жени и доилките отколку кај општата популација

Истражувачите од „Massachusetts General Hospital“, „Brigham and Women’s Hospital“ и „Ragon Institute of MGH, MIT and Harvard“ разгледаа 131 жена кои примиле вакцина против Ковид-19 на Фајзер или Модерна. Меѓу учесниците, 84 биле бремени, 31 биле во лактација и 16 не биле бремени ниту доеле. Примероците биле собрани помеѓу 17 декември 2020 и 2 март 2021 година.

Нивото на антитела предизвикано од вакцината било еквивалентно кај бремените жени и доилките, во споредба со жените кои не биле бремени.

Жените пренесуваат заштитни антитела на своите новороденчиња, измерени во мајчиното млеко и плацентата

Нивоата на антитела биле „неверојатно повисоки“ од оние кои се резултат на инфекција со коронавирус за време на бременоста, забележа тимот.

Истражувачкиот тим открил дека жените пренесуваат заштитни антитела на своите новороденчиња, измерени во мајчиното млеко и плацентата. Но потребни се дополнителни истражувања за да се разбере колку траат тие заштитни антитела кај новороденчињата

„Се чини дека овие вакцини делуваат неверојатно ефикасно кај овие жени“, рече еден од истражувачите, Галит Алтер, професор по медицина на Институтот „Рагон“.

Покрај тоа, тимот открил дека жените пренесуваат заштитни антитела на своите новороденчиња, измерени во мајчиното млеко и плацентата. Алтер рече дека се потребни дополнителни истражувања за да се разбере колку траат тие заштитни антитела кај новороденчињата.

Не се откриени докази за повеќе несакани ефекти или поинтензивни несакани ефекти кај бремените жени и доилките отколку кај општата популација

Наодите се во согласност со неодамнешните истражувања, иако ова е досега најголемата студија за вакцини кај бремени жени. Бремените жени и доилките не беа вклучени во првичните клинички испитувања на вакцините.

Алтер рече дека не откриле докази за повеќе несакани ефекти или поинтензивни несакани ефекти кај бремените жени и доилките отколку кај општата популација.  (Си-Ен-Ен)