Најчести промени на кожата на трудниците

Кожата станува почувствителна, а кожните заболувања кои жената ги имала пред бременоста може да се влошат.

За време на бременоста, промени не се случуваат само во телото, туку и на кожата, за што вината лежи во наглите скокови на нивоата на хормони. Кожата станува почувствителна, а кожните заболувања кои жената ги имала пред бременоста може да се влошат. За време на овој период особено е чувствителна на детергенти и на сапуни, и на сонце.

ХИПЕРПИГМЕНТАЦИЈА

Најчест проблем е хиперпигментацијата, односно темните дамки кои се појавуваат на челото и на образите, а се последица на зголеменото лачење на меланин. За време на бременоста телото произведува повеќе хормони што го засилува лачењето на меланин, природен пигмент кој ја контролира бојата на кожата и количината на апсорбираното УВ зрачење. Овој проблем ги мачи половина од трудниците.

АКНИ

Болни мозолчиња се карактеристични за првото тромесечје. Високото ниво на хормони поттикнуваат производство на природни масла или себум поради што кожата брзо се масти. Премногу себум ги блокира порите, а како резултат се јавуваат акни.

ИСПУКАНИ КАПИЛАРИ

Тие се резултат на засилена циркулација која е неопходна за животот на бебето. Вишокот крв создава притисок на капиларите, поради што тие полесно пукаат. Состојбата најчесто се поправа по породувањето, кога ќе се стабилизира нивото на хормони.

СТРИИ

Стриите се јавуват по растегнување на кожата. Бременоста поттикнува растегнување на кожата побрзо од вообичаено, па таа полесно пука. Високото ниво на хормони исто така влијае на ранотежата на кожната бариера и ја прават потенка од вообичаено. За време на бременоста се препорачува внесување на витамини Е и Ц и кожата редовно се мачка со масла кои поттикнуваат нејзино обновување.

ТЕМНА ЛИНИЈА НА СТОМАКОТ – LINEA NEGRA

Темната линија најчесто се јавува во второто тромесечје, а е последица на промените во рамнотежата на хормони. Стомачните кускули се растегнуваат за да направат повеќе место за детето, што остава темна трага на кожата. Најчесто избледува неколку недели по породувањето.