Новата варијанта на вирусот – омикрон претставува закана, па и понатаму е важно да ги преземете сите можни мерки за да се заштитите од вирусот. Еве што велат експертите, што е најдобро да направите за да се заштитите себеси, но и другите.
ВАКЦИНИРАЈТЕ СЕ, ТОА Е СЕГА НАЈПОТРЕБНО
Докажано е дека вакцинацијата спречува инфекција, а кога ќе се појави повторна инфекција, вакцината спречува потешки форми на болеста. Д-р Суман Радакришна, директор на Центарот за заразни болести во Калифорнија, вели дека антителата произведени како резултат на вакцинацијата се корисни за да се избегне потешка форма на инфекција. Д-р Том Јадегар, пулмолог, истакнува: „Без вакцини, овој вирус ќе продолжи да се шири и ќе има шанса да мутира, а новите варијанти ќе бидат активни на места каде што има најмалку вакцинирани. Со следење на стручни совети и само малку здрав разум, можеме да направиме многу за себе и за целото општество за да ги промениме работите“.
Вакцината е императив и бидејќи е пред нас сезоната на вируси и таа останува најефективниот начин за намалување на бројот на заразени, но и хоспитализирани. Одредени групи треба да примат и вакцина против пневмонија и грип за да го подготват својот имунитет за она што може да се случи, советува докторот.
Без вакцинација, овој вирус ќе продолжи да се шири и ќе има шанса да мутира, а новите варијанти ќе бидат активни на места каде што има најмалку вакцинирани. Со следење на стручни совети и само малку здрав разум, можеме да направиме многу за себе и за целото општество за да ги промениме работите
ДИСТАНЦИРАЈТЕ СЕ
Д-р Јадегар објаснува: „Социјалната дистанца може да биде тешка, но барем 2 метра би требало да бидат доволни за да се заштитите. Кога сте заедно со семејството и пријателите, добро е да се дружите на отворено или во добро проветрен простор“.
НОСЕТЕ МАСКА И ЧЕСТО МИЈТЕ ГИ РАЦЕТЕ
Д-р Јадегар додава дека се работи за респираторно заболување, па затоа е неопходно да се користат методи кои ќе ви помогнат да го намалите ризикот од инфекција, а редовното миење на рацете и носењето маски се одлична алатка за оваа примена.
НЕ ПАТУВАЈТЕ
Иако е примамлива помислата дека ќе отпатувате некаде за празниците, советот на стручњаците е да не го правите тоа, така може да спречите инфекција, особено ако планирате да патувате на места кои не се толку безбедни. Ако навистина мора да патувате, внимавајте на симптомите и доколку ги забележите, одложете и одете на лекар.
ПОМИНУВАЈТЕ ВРЕМЕ НА ОТВОРЕНО
Д-р Радакришна советува претпазливост кога се собирате во затворени простории, па секако попаметно е да поминувате што повеќе време на воздух, особено ако не планирате да носите маска. Носете маска секогаш кога сте во контакт со луѓе кои не живеат со вас, дистанцирајте се кога е можно. Се што можете извршувајте и договарајте преку различни платформи и социјални мрежи.
АКО НЕ СЕ ЧУВСТВУВАТЕ ДОБРО, ОСТАНЕТЕ ДОМА
Ако не сте добро и не сте сигурни дали се работи за симптоми на алергија или Ковид, останете дома додека не ги добиете резултатите од тестот. Откажете ги вашите планови, а вашите пријатели, колеги и семејство ќе го ценат тоа.
