Ова се резултатите од првата детална студија од спекатор на невролошки компликации од КОВИД-19, велат истражувачите, нагласувајќи ја потребата за поопсежни студии со цел да се откријат механизмите кои се кријат зад нив и да се олесни потрагата за лек.
“Ова е важно евидентирање на компликациите од КОВИД-19 поврзани со мозокот кај хоспитализираните пациенти. Многу е важно да се продолжи со собирање на овие информации за да целосно го сфатиме вирусот“, вели коавторот на истражувањето, проф. Сара Пет од Универзитетот Колеџ во Лондон.
Во студијата објавена пред два дена во списанието Lancet Psychiatry детално се проучени 125 случаи на болни со КОВИД-19 од Велика Британија. Проф. Бенедикт Мајкл, еден од авторите нагласува дека истражувањето било фокусирано на тешките случаи на болеста.
Најчестите компликации биле мозочен удар кој е пријавен кај 77 од 125 случаи. Од тие случаи, повеќето виле пациенти постари од 60 години, а во поголем процент се работело за исхемичен удар, односно крвно згрутчување (тромб) во мозокот.
Студијата покажала е и дека 39 од 125 пацинети покажувале знаци на збунетост или промени во однесувањето, што се одразило на нивната душевна состојба. Меѓу нив, девет лица имале неспецифични мозочни дисфункции, односно енцефалопатија, а кај седум е забележано воспаление на мозокот, односно енцефалитис.
Проф. Мајкл вели дека овие откритија се важен чекор кон дефинириањето на делувањето на КОВИД-19 на мозокот.
“Сега ни се потребни детални студии кои ќе ни помогнат да ги сфатиме можните биолошки механизми, за да можеме да ги истражуваме можните лекови“, вели проф. Мајкл.
