Високата нутритивна вредност на праските ги прави одличен избор за здравјето на децата. Но, од кога може ова овошје да го ставите на менито на вашето дете?
Праските содржат висок процент на витамини, особено А и Ц, а содржат и голема количина на растителни влакна. Имаат диуретско дејство, и се природни лаксативи.
Предлог на поголем број на педијатри е бебето да почне да јаде праски помеѓу 4. и 6. месец. За оние кои почнуваат да воведуваат цврста храна на своите бебиња порано од препорачаното, праските може да бидат прва храна, бидејќи е лесна за варење.
Може да се мешаат со многу други намирници, како што се пилешко месо, банана, авокадо. Праските може да се варат во вода, на пареа или да се печат во рерна. Но, имајте предвид дека праските ги губат хранлиивите состојки доколку предолго термички се обработуваат.
Најдобра опција е да се печат или подготвуваат на пареа. На бебето може да му подготвите кашичка само од праски, а може и да ги помешате со домашни житарки, јогурт, па дури и со месо, како пилешко.
