Вакцината против Ковид-19 делува, но постојат и случаи на инфекција меѓу вакцинираните. Што сакаат експертите да знаете за овие случаи?
Најпрво, важно е да се напомене дека е исклучително важно да се вакцинирате, но и понатаму да продолжите да носите маска и да држите дистанца. Лекарката од Канзас, д-р Бет Олер објаснува дека многу малку луѓе кои биле вакцинирани во моментов се заразени, околу 0,01 проценти.
Вакцината е нашата најдобра одбрана против Ковид-19
„Можеби изгледа дека тој број е многу поголем, но не е, веќе се вакцинирани прилично голем број луѓе се вакцинирани, додава д-р Вилијам Шафнер, експерт за заразни болести на Универзитетот Вандербилт во Нешвил.
Колку е поголем бројот на вакцинирани лица, толку е поголем бројот на заразени меѓу нив, но сепак, и понатаму се работи за многу мал процент. Иако вакцините штитат од инфекција, тие не не штитат 100 проценти.
Клиничките испитувања генерално вклучуваат здрави луѓе кои нужно не ја претставуваат „вистинската“ слика. „Ги исклучуваат луѓето кои немаат здрав имунитет или оние кои земаат имуносупресивни лекови“, објаснува д-р С. Весли Лонг.
Без разлика дали сте вакцинирани или не, истите работи што ви се закануваа на почетокот на пандемијата ви се закануваат и сега – блиски контакти и неносење маска.
Многумина кои се вакцинирани и дополнително се заразат ќе имаат благи симптоми. Ризикот од посериозни проблеми е поголем ако имате ослабен имунолошки систем, ако сте над 65 години и имате состојби како што се висок крвен притисок или дијабетес, или ако сте дебели.
Според Американската лекарска асоцијација, дури една третина од пациентите со пробивни инфекции немаат никакви симптоми.
Многумина кои се вакцинирани и дополнително се заразат ќе имаат благи симптоми. Ризикот од посериозни проблеми е поголем ако имате ослабен имунолошки систем, ако сте над 65 години и имате состојби како што се висок крвен притисок или дијабетес, или ако сте дебели
Д-р Олер вели дека само 0,004 проценти од вакцинираните и заразени завршиле во болница, а уште помал процент починале. „Вакцините се многу добри во спречување на хоспитализација и тешка болест и смрт“, вели д-р Лонг.
„Постарите луѓе и оние кои се ранливи поради нивната имунокомпромитираност имаат сериозни пробивни инфекции“, вели Шафнер.
Во една студија објавена во часописот „Clinical Microbiology and Infection“, скоро сите пациенти кои завршиле во болница со пробивни инфекции имале веќе постоечка состојба како што се хипертензија или дијабетес.
Постојните вакцини се исто така ефикасни и против делта сојот, но овој сој се шири толку лесно што резултира со поголем број на пробивни инфекции. Експертите советуваат да се тестирате ако се сомневате дека сте заразени. Вакцинираните луѓе можат да го пренесат вирусот на другите иако, според д-р Шафнер, тие го носат вирусот значително пократко од невакцинираните.
Повеќето вакцинирани луѓе нема да се разболат ако дојдат во контакт со вирусот или нема да имаат сериозни симптоми. Во секој случај, добра идеја е да се јавите кај вашиот лекар, да го известите за вашиот статус и да се посоветувате што и како понатаму да постапите.
- Носењето маска се препорачува за секого, дури и за оние кои се вакцинирани, особено во јавност, на големи собири и во друштво на оние кои не се вакцинирани или чиј статус не го знаеме
Вакцината е нашата најдобра одбрана против Ковид-19.
„Вакцинација, маски, избегнување на големи собири… Сето ова заедно го намалува ризикот од инфекција. Одлуката за вакцинација буквално може да биде прашање на живот или смрт“, предупредува д-р Олер.
