Оваа храна мажите кои сакаат дете треба да ја избегнуваат

Причините за неплодност се бројни, но понекогаш е доволно да се воведат ситни промени во живот, за да се реши проблемот.

Доколку се обидувате да го проширите семејството, треба да обрнете внимание на исхраната. На жените им се советува да консумираат намирници кои ја зголемуваат плодноста, но истото важи и за мажите.

Имено, премалиот број на сперматозоиди (а, за таков се смета ејакулат со помалку од 39 милиони сперматозоиди), може да биде причина за проблемите. За да се зголеми бројот на сперматозоиди во ејакулатот, добро е да се прилагоди исхраната, односно да се исфрлат намирници овие намирници, оти ги уништуваат сперматозоидите.

  • АЛКОХОЛ

Консумирањето алкохол, дури и во најмали количини, може значајно да влијае на сексуалниот нагон кај мажите, но и да го намали нивото на тестостерон и бројот на сперматозоиди. Оние кои сакаат деца, треба да го избегнуваат алкохолот во целост.

  • ПРОЦЕСУИРАНИ НАМИРНИЦИ

Процесуираната храна, особено месните производи како салами, шунка и виршли, многу лошо делуваат на машката плодност. Го намалуваат бројот на сперматозоиди и нивната брзина.

  • ПОЛНОМАСНО МЛЕКО И МЛЕЧНИ ПРОИЗВОДИ

Полномасните производи изобилуваат со естроген од животинско потекло, а освен тоа содржат и висока количина на стероиди што им се даваат на кравите за да произведуваат повеќе млеко. Женски хормони и стероиди лошо делуваат на квалитетот на спермата.

Освен храна и алкохол, се препорачува да се избегнуваат и цигари и шеќер, како да се подобри и квалитетот на живот, односно да се избегнува стрес и да се има редовна физичка активност.