Високата температура кај децата е еден од најчестите симптоми на различни болести. Родителите обично ја доживуваат температурата како драматичен настан што укажува на сериозна болест на детето, но тоа не мора секогаш да биде така. Како што пренесува „Cafe Mom“, постојат неколку грешки кои родителите најчесто ги прават кога нивното дете ќе добие температура, а не би смееле. Педијатарот Алана Левин објаснува кои се овие грешки и како можат да му наштетат на вашето дете.
Важно е луѓето да разберат дека покачената температура е всушност одбранбен механизам на детето што му помага да се избори против болеста или инфекцијата
Го прегревате детето
Педијатарот предупредува дека никогаш не треба да го затоплувате детето кое има температура. Имено, детето во фаза на покачување на температурата се жали на студ, рацете и стапалата може да бидат ладни и да има грозница. Родителски порив е автоматски да му угодат на детето, што значи да го загреат со облека, да го покријат и добро да ја загреат просторијата во којашто престојува.
„На овој начин само дополнително ја зголемувате температурата, го прегревате детето и ризикувате да дојде до фебрилни конвулзии, особено кај деца помали од две години“, објаснува Левин, додавајќи дека родителите треба да го прават токму спротивното – да го соблечат детето, да му дадат течности, супозиторија или сируп, да го истушираат со млака вода и да го облечат во широка памучна облека. Исто така, педијатарот нагласува дека е потребно да се следи температурата на секој час и да се реагира доколку таа нагло скокне или никако не може да се спушти.
Веднаш одите во болница
Температурата сама по себе не е итен случај, особено ако не е премногу висока. Токму затоа повеќето родители грешат што веднаш го носат детето со температура во болница.
„Многу родители, за жал, пребрзо реагираат и паничат кога нема потреба за тоа. Важно е луѓето да разберат дека покачената температура е всушност одбранбен механизам на детето што му помага да се избори против болеста или инфекцијата. Како и да е, не е итен случај ако температурата не е превисока или ако помине со супозитории или сируп“, објаснува Левин.
Една од најчестите грешки што ги прават родителите кога детето има температура е инсистирањето на одмор. Педијатарот објаснува дека воопшто не е потребно, особено ако се работи за малку покачена температура. Имено, дозволена е умерена активност, а по тоа и лесно ќе забележите каква е општата состојба на детето
Давате лекови без консултација со педијатар
Секој третман или терапија без претходна консултација со педијатар е едноставно забранет и е многу лоша идеја, предупредува педијатарот.
„Повеќето родители се внимателни со лековите, но има и такви кои на своето дете ќе му дадат средство за намалување на температурата без претходно да се консултираат со педијатар. Тоа воопшто не е паметно, тоа им го кажувам на сите мои пациенти. Како што не би земале лекови без рецепт за некоја посериозна состојба, истото треба да го правите и кога станува збор за вашето дете, инаку може да направите повеќе штета отколку корист“, објаснува таа.
Го разладувате детето со алкохолни облоги
Алкохолот може да предизвика црвенило на кожата и дополнителна хиперемија и топлина за само неколку минути, се апсорбира преку кожата и може да дојде до труење, како и испарувањата на алкохол кои се издигнуваат од врелата кожа, а детето потоа ги вдишува. Алкохолот нема место во намалувањето на температурата кај децата, советува педијатарот.
Не го почитувате дозирањето на антипиретици со оглед на возраста на детето
Пречестото давање на антипиретици, прекумерните дози, како и лошата комбинација на ибупрофен, парацетамол или дури и волтарен супозитории, кои се индицирани само кај деца постари од две години, може нагло да ја намалат температурата за неколку степени и да доведат до хипотермија, што е многу поопасно од одржување на умерено покачена температура.
Инсистирате на мирување
Една од најчестите грешки што ги прават родителите кога детето има температура е инсистирањето на одмор. Педијатарот објаснува дека воопшто не е потребно, особено ако се работи за малку покачена температура. Имено, дозволена е умерена активност, а по тоа и лесно ќе забележите каква е општата состојба на детето.
