ПРОБЛЕМИ ВО ИСХРАНАТА: Три типа на пребирливи деца

Имате ли и вие проблем со малите “пребирливци“? Нутриционист издвојува три категории на деца кои јадат само одредена храна.

Исхраната на детето треба да ви нуди радост, а не притисок и стрес. Но, за многу родители, поставената маса за јадење станува војно поле. Според ставот на голем број нутриционисти, многу често проблемот не лежи во самите деца, туку токму во родителите. Треба тие сами да го сменат пристапот и очекувањата од детето, и колку треба да јаде.

Родителите често се под притисок дали децата јадат доволно и дали храната е квалитетна, се обидуваат, најчесто со помош на телефони и таблети, да го натераат детето да изеде што повеќе. Сепак, нутриционистите истакнуваат дека децата многу добро знаат и регулираат колку храна им е потребно, и кога треба да престанат со јадење.

Што треба родителите да прават?

Тие треба на децата да им обезбедат што почесто, нутритивно богати оброци и ужини, правилно распоредени (што за деца од предучилишна возраст значи на 2-3 часа). Доколку не постои никакво предупредување од лекар, навистина треба да се има доверба во детската саморегулација.

Многу деца се пребирливи. Нема потреба многу да се грижите околу тоа.

Издвојуваме три најчести предизвици со кои родителите се среќаваат кога е во прашање изборот на храна.

  • Крал/кралица на јаглехидрати

Дали сте забележале дека вашето дете обожава се бело? Леб, крекери, тестенини, похована храна? Ако е така, веројатно се грижите дека им недостасуваат витални нутриенти. Ако на детето му давате балансирани оброци, може да се опуштите.

“Децата јадат интуитивно. Во суштина, дури и пребирливите деца добиваат повеќе протеини, отколку што им се потребни“, вели Наталија Стасенко, нутриционист.

Недоволниот внес на зеленчук е чест проблем во многу семејствата. Мора да разберете дека детето не е тврдоглаво ако не сака да јаде суши, или некоја друга комбинација.

Децата генерално повеќе сакаат слатки работи, оти од најрана возраст добивале слатки вкусови – амнионска течност и мајчино млеко. За децата да ја засакаат “храната за возрасни“, сепак е потребно време.

Ако одбиваат да јадат овошје, зеленчук, риба, месо, обидете се постеоени да им ги воведувате во исхраната. Некогаш се потребни и 15 обиди, да прв пат пробаат нова храна. Не се откажувајте. Пробајте да го промените начинот на кој им ја претставувате. Обидете се да ја мешате со храната што ја сакаат, или пак декорирајте ја на необичен начин.

  • Обожавател на грицки

На игралиште или во парк, детето постојано нешто грицка, а потоа дома не сака ништо да јаде?

“Децата не се родени за ужина. Тие едноставно повеќе сакаат вкусна и убава храна, што е разбирливо. Проблемот се појавува кога си играат, па јадат и таква храна, наместо друга ужина. Затоа не им е интересно да јадат онаа здодевна храна, како месо, зеленчук… И изборот на грицки воопшто не изненадува“, истакнува нутриционистката.

Само затоа што детето јаде додека игра, во автомобил или на некој натпревар, не значи дека мора да јаде лоша храна. Искористете ја можноста и за ужина да му подготвите и понудите храна богата со нутриенти, како влакна и протеини. Стручњаците истакнуваат дека треба да се направи најмалку 90 минутна пауза помеѓу оброците. Треба детето убаво да огладне, пред да седне да го изеде главниот оброк.

Според ставот на голем број нутриционисти, многу често проблемот не лежи во самите деца, туку токму во родителите.
  • Повторувач

Забележувате дека вашето дете постојано јаде една иста храна?

Тоа значи дека детето сака две работи – вкусно и познато. Децата навистина може да се навлечат на одредена храна. Не треба да влезете во замка, па на детето да му го давате само она што сигурно знаете дека ќе го изеде. Тоа не значи да не го подготвувате она што го сака, само е важно се убаво да распоредите. Ако детето сака една или две намирници, вклучете ги во оброкот кој помалку го сака, па ќе постигнете баланс.

Ако детето навистина одбива да јаде храна богата со одредени нутриенти, обидете се со друго што го содржи истото. На пример, ако детето не сака риба, иста количина омега-3 масни киселини ќе најдете и во лененото семе. Ако не јаде зелен зеленчук. Истата количина витамини ќе ја најдете во друго овошје или зеленчук. Не заборавајте на правилото – колку чинијата е пошарена, толку подобро.