Проф. д-р Борислав Каменов: Здравјето на цревата и витаминот Д се клучни во борбата против коронавирусот

Цинкот е важен затоа што ги коригира „грешките“, но не е најважен. Витаминот Ц е важен, но го има насекаде, во зеленчукот, овошјето… Не е дефицитарен. Но, она што го нема, а што е најважно, тоа е витаминот Д, тој го убива вирусот, вели српскиот педијатар-имунолог во интервју за „Мондо“

Вакцинацијата против коронавирус е неопходна, но нема соодветен ефект доколку граѓаните „не поработат“ на зајакнување на нивниот основен, неспецифичен имунитет, кој во најголема мера го уништуваат бројни и разни отрови, од храна до загадување на воздухот: Проф. д-р Борислав Каменов, имунолог
♦♦♦♦♦♦♦
За тоа колку е важен имунитетот во време на пандемија на коронавирус, како да се подобри општата состојба на организмот, како и кои витамини и минерали треба да ги внесуваме за да бидеме здрави, објаснува проф. д-р Борислав Каменов, педијатар-имунолог

 

Што всушност значи да се има добар имунитет?

„Тоа значи организмот адекватно да одговори на предизвиците. Бидејќи организмот постојано се бори со разни натрапници, токсини, патогени, ние не сме свесни за тоа кога немаме никаква болест, кога сè е како што треба. Имунитетот е невидлив кога работи добро. Станува видлив дури кога ќе почне да работи лошо. Кога се чувствуваме лошо, тој се активира и го мобилизира системот. Кои се знаците на болеста? Покачена температура, на пример, но таа исто така е дел и од одбраната на имунолошкиот систем против патогените. Затоа и велиме дека не треба да се лекува температурата. Се разбира, не треба да се дозволи да премине над 40 степени, но до 38 степени е секогаш „добредојдена“, тогаш ја забрзува одбраната“, вели проф. д-р Каменов.

Под влијание на сонцето, вирусот навистина слабее, но кога е телото полно со токсини, потрошувачката на витамин Д е голема и не може да се компензира со изложување на сонце. Затоа витаминот Д мора да се супституира, да се внесува дополнително

◊ Честопати кога се чувствуваме омалаксано и уморно, ни тече носот, тоа обично го објаснуваме со слаб имунитет. Дали има вистина во тоа?

„Заморот е многу важен знак за пореметување на имунитетот. Затоа што организмот троши многу енергија за да ги победи различните „натрапници“. Не значи дека секогаш станува збор за инфекции, најголем проблем е лошата храна, загадувањето на воздухот, цигарите… Имунолошкиот систем треба да го исчисти тоа „труење“ на организмот што ја оштетува слузокожата, тогаш таа почнува да „пропушта“ и ние добиваме реакција – тоа се или знаци на труење или алергии. Ние ги третираме тие алергии, а не работиме на тоа да не се „труеме“. Повеќе или помалку, се правиме наопаку“, смета имунологот.

„Здравите црева се најважни за имунитетот. На тој начин, токсините нема да можат да влезат во организмот, имунолошкиот систем нема да биде оптоварен и ќе може да се посвети на борбата против вирусот. Следен на првата линија на фронтот е витаминот Д, кој поттикнува вирусот да се убие“, вели проф. Каменов

◊ Од страв да не се заразат, во последно време луѓето земаат витамини, минерали, па дури и антибиотици со цел да го зајакнат одбранбениот систем. Што е погрешно, и на кои суплементи, додатоци треба да обрнеме внимание?

„Антибиотикот ги убива сите бактерии во цревата. А добрите бактерии се оние кои ни овозможуваат адекватно да ги решиме проблемите. Добрите бактерии се богатство, додека лошите бактерии се болест“, вели проф. Каменов.

◊ Но што е со витамините и минералите?

„Цинкот е важен затоа што ги коригира „грешките“, но не е најважен. Витаминот Ц е важен, но го има насекаде, во зеленчукот, овошјето… Не е дефицитарен. Но, она што го нема, а што е најважно, тоа е витаминот Д, тој го убива вирусот. Го создава сонцето, а може да се најде и во рибите, рибиното масло. Она што претставува проблем со овој витамин е неговата голема „потрошувачка“, тогаш изложувањето на сонце не е доволно. Во Индонезија е направена студија каде биле испитувани 100 пациенти кои имале нормални вредности на витамин Д и 100 пациенти кои имале недостаток. Првите развиле многу блага слика на инфекција со коронавирус, а кај вторите 100 сликата била сериозна. И тоа покажало дека витаминот Д е многу важен“.

Сите сакаме „инстант решение
„Медицината отсекогаш трагала по ‘инстант решение’, да најде еден лек што ќе ги излечи сите. Природата и порано се борела против вирусите, постои лек, а тоа е витаминот Д. Тој ја „реши“ туберкулозата, санаториумите некогаш биле градени на сончеви места поради витаминот Д. Многу нешта може да се решат на начин на кој природата предвидела. Ако не можеме да влијаеме на квалитетот на храната, можеме да влијаеме на тоа како да го подобриме нашиот имунолошки систем, да провериме што внесуваме во организмот, да го исфрлиме она што не труе“, вели д-р Каменов

◊ Колку сме „затруени“?

Во зависност од тоа каков ни е имунитетот, во која мера е нашиот организам „затруен“, зависи  колку успешно ќе се избориме со вирусите.

„Токсините се отстрануваат на ист начин како и вирусите. Макрофагите, клетките задолжени за уништување на бактериите, вршат детоксикација. Токсините влегуваат преку цревата во системот, а макрофагите имаат задача да исчистат сè. Тие ги уништуваат и вирусите, но ако организмот е „преокупиран“ со труење не може да се бори против вирусите. Тоа е најчестата причина поради која луѓето се разболуваат“, вели д-р Каменов.

„Важно е пациентот да биде добро прегледан, да се земе предвид сè и на основа на тоа докторот да препорача лекување. Важно е лекарот да не ја гледа само болеста. Ние, лекарите, ги гледаме само знаците и симптомите, а не состојбата на здравјето и тоа е погрешно. Треба да се отстрани тоа „труење“ на организмот.

◊ Се ближи сезоната на грип, многумина стравуваат од спојување на оваа вирусна болест со короната. Може ли да помогне вакцината против грип, да го ублажи евентуалното заболување?

„Не може да заштити од коронавирус секако, но може да заштити од грип. Тука постои „но“. Вакцината може да заштити некој што има добар имунолошки систем и кој ќе развие антитела, тоа е 100 % заштита. Но, ако лицето е „проблематично“, има тегоби со цревата, ако клетките што го прават имунитетот се зафатени со чистење на „токсините“ од организмот, тогаш нејзиното заштитно дејство нема да биде потполно“.

Децата имаат полесна клиничка слика затоа што реагираат со неспецифичен имунитет. А возрасните имаат потешка, бидејќи реагираат со клеточен имунитет, оној кој го изградиле за да се заштитат од хронични заболувања, малигнитети… Начинот на кој реагираат ги тера да имаат компликации. Бидејќи во суштина вирусот не го убива организмот, него го убива имунолошкиот систем кога ќе ја пречекори нужната одбрана. Тоа е таа „цитокинска бура“ 

 Колку ќе биде ефикасна вакцината против коронавирус? Има луѓе кои ја прележале короната и после три месеци повеќе немаат антитела

◊ А вакцината против коронавирус? Дали е таа единственото решение?

„Сите мислат: ‘Само да дојде вакцината и сè ќе биде решено’. Тоа не е вистина, а постојат показатели кои говорат во прилог на тоа. Има луѓе кои ја прележале короната и после три месеци повеќе немаат антитела. А кога некоја болест ќе се преболи, тогаш се стекнува најголемиот имунитет. Ако лицето три месеци по оздравувањето нема антитела, па колку може да има по вакцината, и да е најдобра во светот? Не можеме да се потпреме на антителата. Би сакал решението да е толку едноставно, но лично не верувам. Проблемот е многу посериозен, гледаме дека сега е сè поразлично. Децата имаат полесна клиничка слика затоа што реагираат со неспецифичен имунитет. А возрасните имаат потешка, бидејќи реагираат со клеточен имунитет, оној кој го изградиле за да се заштитат од хронични заболувања, малигнитети… Начинот на кој реагираат ги тера да имаат компликации. Бидејќи во суштина вирусот не го убива организмот, него го убива имунолошкиот систем кога ќе ја пречекори нужната одбрана. Тоа е таа „цитокинска бура“ за која зборуваме, но и понатаму не сфаќаме што треба да направиме за да не се развива „цитокинска бура“.

◊ Што треба да правиме?

„Мора да ја поправиме ‘мирната состојба’. Тоа е нашата најголема грешка. Знаеме дека вирусот не може да исчезне се додека се пренесува. Го намаливме со маски и дистанца, но тоа не е конечно решение. Не можеме да се изолираме така 100 години. Имунитетот во првата фаза на болеста не штити, а во втората фаза не убива, условно кажано. Ако тоа го знаеме, ајде да изградиме таков имунитет да болеста може да се надмине без поголеми проблеми. Тоа е можно и тоа го правиме континуирано. Имам голем број на пациенти кои се хронично болни и кои прележале коронавирус без тешка клиничка слика. Сето ова е можно, само што никој не се занимава со подобрување на здравјето.

Во суштина, вирусот не го убива организмот, него го убива имунолошкиот систем кога ќе ја пречекори нужната одбрана. Тоа е таа „цитокинска бура“

СЗО вели дека здравјето не е само отсуство на болести, знаци и симптоми, туку општа благосостојба на организмот, вклучително и социјална и економска. И тоа е вистина, само што никој не се грижи за тоа здравје, туку само ги лекуваме симптомите“.

◊ Сите очекуваа вирусот да исчезне во текот на летото. Зошто не се случи тоа?

„Под влијание на сонцето, вирусот навистина слабее, но кога е телото полно со токсини, потрошувачката на витамин Д е голема и не може да се компензира со изложување на сонце. Затоа витаминот Д мора да се супституира, да се внесува дополнително”, заклучува професорот Каменов. (Мондо)