Проф. д-р Златко Тробоњача, имунолог: Ако останеме на делта сојот, до Нова година сè ќе заврши

Има се повеќе случаи во кои луѓето вакцинирани со две дози добиваат коронавирус, главно без тешки симптоми. Хрватскиот имунолог проф. д-р Златко Тробоњача тврди дека тоа е поради три причини.

„Првата е тоа што пристигна делта сојот, кој е исклучително заразен и постигнува поголема вирусна концентрација од другите соеви. Има голем продукциски број, помеѓу 5 и 10, како сипаниците. Кога имате повеќе вируси во оптек, тогаш се случува одредена количина на антитела присутни кај човекот да не можат да ги неутрализираат сите тие вируси. Втората причина е тоа што делта сојот е донекаде имуноевазивен, на ниво од околу 20 отсто. Ова значи дека не дејствуваат сите антитела на него, туку само еден дел, веќе споменатите 20 отсто.

Не верувам дека постојано ќе се вакцинираме против коронавирус, мислам дека порано или подоцна ќе дојдеме во контакт и ќе создадеме соодветен имунитет, а Ковид-19 ќе стане како настинка. Во секој случај, нè очекува бурна есен, но не верувам дека овој бран ќе трае долго

И трето, со текот на времето имаме опаѓачка концентрација на антитела. По примање на втората доза, таа количина опаѓа по пет до шест месеци, особено кај постарите лица, кои дури и не создаваат поголема количина антитела. Неодамнешните истражувања, исто така, покажуваат дека луѓето кои се вакцинирани со втора доза на Фајзер три недели по првата доза, имаат помала покриеност на антитела од оние кои се вакцинирани со втора доза во интервал од два до два и пол месеци. Таквите се подобро заштитени, вели имунологот.

Во Хрватска, третата доза од вакцината ќе се добива осум месеци по примање на втората доза. Што е со оние луѓе кои се вакцинирани и прележале Ковид?

„Препораката е да се вакцинираат, но не веднаш, туку по одредено време. Бидејќи имаат исклучително добра заштита од вирусот, убеден сум дека ќе бидат заштитени и до една година. Прележувањето на самата болест произведува имунитет, различен од оној што го дава вакцината.

Значи, ако човек е вакциниран, а потоа се разболи, ќе има огромна количина на антитела што ќе го заштитат во следниот период. Не треба да се грижи следната година дека ќе се разболи. Освен ако не дојде некој друг сој што целосно го избегнува имунитетот. Е тогаш џабе сме се разболеле и џабе сме се вакцинирале. Некои, за жал, и ќе умрат, без оглед на тоа што се вакцинирани, ако претходно страдале од некои други сериозни болести, вели Тробоњача.

Истражувањата спроведени во Израел покажуваат дека вакцинацијата е прилично добра гаранција против тешкиот развој на болеста од кој било сој на вирус, така што во 93 проценти од случаите болеста ќе помине без поголеми проблеми.

„Не верувам дека постојано ќе се вакцинираме против коронавирус, мислам дека порано или подоцна ќе дојдеме во контакт и ќе создадеме соодветен имунитет, а Ковид-19 ќе стане како настинка. Во секој случај, нè очекува бурна есен, но не верувам дека овој бран ќе трае долго. Ќе биде кратко, но интензивно. Можеби една или две недели и тоа е тоа, па ќе почне да опаѓа. Ако се остане на делта сојот, до Нова година сè ќе заврши“, заклучува имунологот. (Слободна Далмација)