Потребно:
- 500гр мелено месо
- 2 кромида (исечкани на тенки кругови)
- 8 печени пиперки (излупени, без семе)
- 3 јајца
- 1 кисела павлака или кисело млеко (200мл)
- Сол
- Масло за јадење
- Малку брашно
Подготовка: На малку масло се динствува кромидот и меленото месо, толку колку да ја промени бојата и стане зрнесто месото. Потоа пиперките се валкаат во брашно. Во посебен сад се мешаат јајцата, солта и павлаката или киселото млеко. Во тавче се реди: ред пиперки, мелено месо, половина од изматените јајца со павлака, па пак ред пиперки и остатокот од јајцата и павлаката. Врз јадењето се наросува сусам по желба. Се пече во загреана рерна, на 200 степени околу половина час.
